جۋىردا جامبىل وبلىسىنىڭ اكىمى بەردىبەك ساپارباەۆ قورداي اۋدانىنا جۇمىس ساپارىمەن بارعاندا دا جەرگىلىكتى تۇرعىندار كورسەتىلگەن كومەك پەن قولداۋلار ءۇشىن ەل پرەزيدەنتى مەن جەرگىلىكتى بيلىككە العىس بىلدىرگەن بولاتىن.
ماسانشى اۋىلىنداعى جاڭا مەكتەپتىڭ قۇرىلىسى وتپەلى نىسان بولىپ تابىلادى. اعىمداعى جىلى ول بويىنشا 550 ميلليون تەڭگە يگەرىلەدى. ماسانشى اۋىلدىق وكرۋگى ارداگەرلەر كەڭەسىنىڭ توراعاسى دىدار دۆۋماروۆتىڭ ايتۋىنشا, بۇگىندە 41 كوشە جوندەلۋدە, جاڭا مەكتەپ, سپورت الاڭى سالىنۋدا ەكەن. جىل سوڭىنا دەيىن ماسانشى مەن كورشىلەس 6 ەلدىمەكەنگە گاز تارتىلادى. سونداي-اق, اۋىلدا شاعىن فۋتبول الاڭشاسى, كوشە ترەناجەرلارى مەن بالالار الاڭىنان تۇراتىن كوپفۋنكتسيونالدى سپورت الاڭى سالىنۋدا. ماۋسىم ايىنىڭ العاشقى كۇندەرىنەن باستاپ مۇندا جەرگىلىكتى بالالار مەن ەرەسەكتەر جاتتىعۋعا مۇمكىندىك الاتىن بولادى. سوگنداي-اق, بەردىبەك ساپارباەۆ نىساندى پايدالانۋعا بەرگەننەن كەيىن سپورت الاڭىن جاقىن ورنالاسقان مەكتەپتىڭ بالانسىنا تاپسىرۋدى ۇسىنعان ەدى. ماسانشى اۋىلدىق وكرۋگىنە كۇنباتىس-1 جانە كۇنباتىس-2 شاعىن اۋىلدارى دا كىرەدى. كۇنباتىس-1 ەلدى مەكەنىندە 200-دەن استام ادام تۇرادى. مۇندا بۇگىندە قۇنى 26 ميلليون تەڭگەنى قۇرايتىن مەديتسينالىق پۋنكتتىڭ قۇرىلىسى جۇرگىزىلۋدە. ال, كۇنباتىس-2 اۋىلىندا 150 ورىندىق مەكتەپ سالىنۋدا. جۇمىسشىلاردىڭ 70 پايىزدان استامىن جەرگىلىكتى تۇرعىندار قۇرايدى. قۇنى 662,8 ميلليون تەڭگە بولاتىن ءۇش قاباتتى نىسان 25 تامىزعا دەيىن اياقتالادى.
سول سياقتى قاراكەمەر اۋىلىن دامىتۋعا شامامەن 1,6 ميلليارد تەڭگە بولىنبەك. اۋىلدان سپورت الاڭى مەن دارىگەرلىك امبۋلاتوريا سالىنىپ, قۇنى 880 ميلليون تەڭگە بولاتىن اۋىز سۋ تارتۋ جوباسى جۇزەگە اسىرىلۋدا. سونىمەن قاتار, 11 كوشەگە اسفالت توسەپ, 6 كوشەنى جارىقتاندىرۋ جۇمىستارى جۇرگىزىلۋدە. كەزەكتە تۇرعان تۇرعىندار ءۇشىن قوناەۆ كوشەسىنەن ەكى پاتەرلى 10 ءۇيدىڭ قۇرىلىسى ءجۇرىپ جاتىر.
اۋدانداعى اۋقاتتى اۋىلدىق وكرۋگىندە 19 كوشەنىڭ جانە №9 ورتا مەكتەپتىڭ كۇردەلى جوندەۋ جۇمىستارى باستالدى. مەكتەپ اۋلاسىنا تولىعىمەن ورنەكتاستار توسەلىپ, كارىزدەر جۇرگىزىلىپ, جىلى سانيتارلىق جابدىقتالۋدا. جالپى, بۇگىندە قورداي اۋدانىنداعى جاعداي تۇراقتى. قيراعان نىساندار قالپىنا كەلتىرىلۋدە.
جامبىل وبلىسى
