سونداي-اق, جوعارعى قاسقاسۋ ەلدى مەكەنىندەگى «قاسقاسۋ» وزەنى بويىندا ورنالاسقان 4 كوپىردى سۋ شايىپ كەتكەن بولاتىن. قازىرگى تاڭدا جوبالىق قۇنى 82,8 ملن تەڭگەنى قۇرايتىن 4 كوپىردىڭ سمەتالىق قۇجاتتامالارى ازىرلەنگەن. تۇركىستان وبلىسىنىڭ اكىمى ومىرزاق شوكەەۆ تولەبي اۋدانىن ارالاپ, نوسەرلى جاۋىننان زارداپ شەككەن نىسانداردى رەتكە كەلتىرۋ جۇمىستارىن تەكسەردى. اۋداندا جەرگىلىكتى اۋقىمداعى تابيعي سيپاتتاعى توتەنشە جاعداي جاريالانىپ, ارنايى كوميسسيا جۇمىس ىستەۋدە. وبلىس اكىمىنىڭ ورىنباسارى م.مىرزاليەۆ توراعالىق ەتەتىن توتەنشە جاعداي بويىنشا شتاب قۇرىلىپ, سۋ باسقان ەلدى مەكەندەردە ءتيىستى جۇمىستاردى اتقارۋ ءۇشىن 4 سەكتور بەلگىلەنگەن بولاتىن. ءار سەكتورعا جاۋاپتى بولىپ قازىعۇرت, ورداباسى, سايرام, تولەبي اۋداندارىنىڭ اكىمدەرى بەكىتىلگەن. ورىن العان جاعدايدى رەتكە كەلتىرۋ ماقساتىندا 293 ادام, 27 موتوپومپا, 38 تەحنيكا جۇمىلدىرىلعان.
اتقارىلىپ جاتقان جۇمىستارمەن تانىسقان وبلىس اكىمى شتاب جۇمىسىنا جوعارى باعا بەردى. سۋ تاسقىنىنان زارداپ شەككەن ەلدى مەكەندەر ەلەكتر ەنەرگياسى جانە تابيعي گازبەن تۇراقتى قامتىلعان.
تۇركىستان وبلىسى
