بۇگىنگى كۇنى ءجۇز مىڭنان استام حالىقتىڭ تۇرۋىنا ەسەپتەلىپ جاڭا ساۋلەتتىك جوبانىڭ جوسپارى جاسالدى. ءارى ونىڭ جوبالاۋ-سمەتالىق قۇجاتتارى ازىرلەندى. بۇل جاعداي ينجەنەرلىك-كوممۋنيكاتسيالىق جەلىلەر جۇرگىزۋگە جول اشىپ وتىر.
اقتوبە قالاسىنىڭ اكىمى اسحات شاحاروۆتىڭ ايتۋىنشا باتىس-3 اۋدانىندا مادەني كوپشىلىك ءىس-شارالار وتكىزەتىن نىساندار بوي كوتەرمەك. سونىمەن قاتار جوبادا ءىرى قوعامدىق ورتالىقتاردىڭ جۇمىسى جوسپارلانعان. اتاپ ايتقاندا ويىن-ساۋىق ساۋدا ورتالىقتارىمەن قوسا, اكىمشىلىك-ىسكەرلىك ورتالىق, كونگرەسس-حولل, قوناق ءۇي كەشەندەرى, ورتالىق مۋزەي, شىعىس كوممەرتسيالىق نىساندارىمەن بىرگە شىعارماشىلىق ورتالىقتار بوي كوتەرمەك. ەڭ باستىسى جاڭا اۋداندا 2 ملليون 470 مىڭ شارشى مەتر تۇرعىن ءۇي سالىنباق.
باتىس-3 اۋدانىنداعى جوبالاردىڭ جالپى قۇنى 295 ميلليارد تەڭگە قۇرايدى. اۋقىمدى جوبالاردى الداعى ون جىلدىڭ ىشىندە تولىق جۇزەگە اسىرۋ كوزدەلگەن. تۇرعىن ۇيلەردەن بولەك بۇل جەردە ەمحانالار, مەكتەپتەر, بالاباقشالار, كىتاپحانالار جانە سپورت كەشەندەرى سياقتى 41 الەۋمەتتىك نىسان تۇرعىزىلادى, - دەدى egemen.kz تىلشىسىنە اسحات شاحاروۆ.
