تەرگەۋ بارىسىندا تاراز گارنيزونىنىڭ 10-نان ارتىق اسكەري قىزمەتشىلەرىنىڭ اۋرۋعا شالدىعۋىنا اكەپ سوقتىرعان بۇزۋشىلىقتار انىقتالدى. اتاپ ايتقاندا, ءبولىمنىڭ باسشىلىعى مەن مەديتسينالىق قىزمەت تاراپىنان الدىن-الۋ شارالارى تولىققاندى ۇيىمداستىرىلماعاندىقتان جانە باقىلاۋدىڭ جوقتىعىنان بولعان.
قورعانىس مينيسترلىگىنىڭ باسشىلىعىمەن جاۋاپتى لاۋازىمدى تۇلعالارعا قاتىستى قاتاڭ شارالار قابىلداندى. اسكەري ءبولىم جانە مەديتسينالىق قىزمەت قولباسشىلىعى, سونداي-اق «وڭتۇستىك» وڭىرلىك قولباسشىلىعىنىڭ بولىمشەلەرىن تىلدىق قامتاماسىز ەتۋمەن اينالىساتىن بىرقاتار وفيتسەرلەر تارتىپتىك جاۋاپكەرشىلىككە تارتىلدى.
اسكەري باسشىلىقپەن قارۋلى كۇشتەردىڭ اسكەري بولىمدەرى مەن مەكەمەلەرىندە كوروناۆيرۋستىڭ تارالۋىنا جول بەرمەۋ جونىندە قوسىمشا شارالار قابىلداۋدى, الداعى ۋاقىتتا وسىنداي جاعدايلارعا جول بەرمەۋ ءۇشىن ولاردىڭ ساقتالۋىنا قاتاڭ باقىلاۋدى قامتاماسىز ەتۋ تاپسىرىلدى.
