سەمەي قالاسىندا ۇكىمەت باسشىسىنا قالانىڭ 2020-2025 جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارىنىڭ, «جۇمىسپەن قامتۋدىڭ جول كارتاسى – 2020» جانە «نۇرلى جەر» باعدارلامالارىنىڭ ورىندالۋى تۋرالى باياندالدى. اتاپ ايتقاندا, ا. مامين اباي اتىنداعى الاڭدى, مۋزەي مەن تەاتردى رەكونسترۋكتسيالاۋ جۇمىستارىمەن, سونداي-اق «قاراعايلى» شاعىن اۋدانى مەن كوپبەيىندى مادەني-سپورت كەشەنىنىڭ قۇرىلىسىمەن تانىستى.
«سەمەي تاۋەلسىز قازاقستاننىڭ مادەني, رۋحاني مۇراسى مەن تاريحىندا ايرىقشا ورىن الادى. ەل باسشىلىعى قالانىڭ الەۋمەتتىك-ەكونوميكالىق دامۋىنا جانە تۇرعىنداردىڭ ءومىر ءسۇرۋ ساپاسىن ارتتىرۋعا ەرەكشە كوڭىل بولەدى», — دەپ ا. مامين, قالانى دامىتۋ بويىنشا بارلىق جوسپارلانعان جوبالاردى ۋاقىتىلى ىسكە اسىرۋدى قامتاماسىز ەتۋدى تاپسىردى.
ا. مامين اباي اۋدانىنىڭ اكىمشىلىك ورتالىعى قاراۋىل اۋىلىندا الەۋمەتتىك جانە ينجەنەرلىك ينفراقۇرىلىمىنىڭ دامۋىن تەكسەردى. مۇندا ۇكىمەت باسشىسىنا 300 ورىنعا ارناپ سالىنىپ جاتقان ورتا مەكتەپ قۇرىلىسى, اباي اتىنداعى ساياباقتى سالۋ, سونداي-اق ەلدى مەكەننىڭ سۋ تارتۋ جەلىلەرىن رەكونسترۋكتسيالاۋ تۋرالى باياندالدى.
پرەمەر-مينيستر ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق قورىق مۋزەيىنە بارىپ, وندا «اباي-شاكارىم» مەموريالدىق كەشەنىن رەستاۆراتسيالاۋ جۇمىستارىنىڭ بارىسىمەن تانىسىپ, ابايدىڭ مۋزەي ءۇيىن ارالادى.
ۇكىمەت باسشىسى ابايدىڭ 175 جىلدىعىنا وراي جوسپارلانعان سەمەيدەگى جانە اباي اۋدانىنداعى تاريحي-مادەني نىسانداردى جوندەۋ جانە جاڭعىرتۋ جۇمىستارىن ۋاقىتىلى ءارى ساپالى اياقتاۋدى تاپسىردى.
«مەرەيتوي مەملەكەتتىك دەڭگەيدە اتالىپ وتەدى. بۇل شارا قازاقستان حالقى ءۇشىن ۇلكەن يدەولوگيالىق جانە تاريحي مانگە يە», — دەدى ا. مامين.
