اۋدان اكىمى باۋىرجان وماربەكوۆتىڭ ۇيىمداستىرۋىمەن كۇنى-ءتۇنى جۇرگىزىلگەن تىنىمسىز جۇمىستىڭ ناتيجەسىندە قىسقا مەزگىلدە وتكەلدەر تولىق رەتكە كەلتىرىلىپ, اۋىل اراسىنداعى بايلانىس اشىلدى. ەلدى مەكەندەردە ەلەكتر ەنەرگياسى جانە تابيعي گازبەن قامتۋ جاعدايى دا تۇراقتى. سونىمەن قاتار تولەبي اۋدانىنىڭ قاسقاسۋ, كەڭەسارىق, قوساعاش, ەكپىندى, بىركولىك, كيەلىتاس, دوستىق جانە لەڭگىر قالاسىنىڭ اۋماعىندا ورنالاسقان ەلدى مەكەندەرىندە جينالعان جاڭبىر سۋىنان تازالىق جۇمىستارى جالعاسۋدا. تاسقىن سۋدان زاقىم كەلگەن اۋداندىق جانە وبلىستىق ماڭىزى بار كوشەلەردى قالپىنا كەلتىرۋ جۇمىستارى جۇرگىزىلىپ, زالال شىعىندارى ەسەپتەلۋدە.
ەسكە سالا كەتەيىك, نوسەر جاۋىننىڭ سالدارىنان تولەبي اۋدانىنداعى وزەندەردىڭ سۋ دەڭگەيى كوتەرىلىپ, ارىق-اتىز, قىر-سايلاردان جينالىپ اققان جاڭبىر سۋىنان 6 ەلدى مەكەندەگى 250 تۇرعىن ۇيلەردىڭ اۋلاسىن سۋ شايعان بولاتىن. ورىن العان جەرگىلىكتى اۋقىمداعى توتەنشە جاعدايعا بايلانىستى, جەدەل شتاب قۇرىلىپ, سۋ باسقان ەلدى مەكەندەردە ءتيىستى جۇمىستاردى اتقارۋ ءۇشىن 4 سەكتور بەلگىلەنگەن-ءدى. سۋ باسقان ايماقتاردى رەتكە كەلتىرۋ جۇمىستارىنا 300-گە جۋىق ادام, 27 موتوپومپا, 38 تەحنيكا جۇمىلدىرىلعان.
تۇركىستان وبلىسى
