«بۇگىن تۇركىستان وبلىسىنداعى سۋ نىساندارىنىڭ احۋالىمەن, ارنالاردى تازالاۋ جۇمىستارىمەن تانىستىم. سۋارمالى جەرلەردى ۇزدىكسىز سۋمەن قامتاماسىز ەتۋ ءۇشىن وڭىردە ۇزاقتىعى 108 شاقىرىم ارنانى مەحانيكالىق تازالاۋ جۇرگىزىلەدى. تازالاۋ جۇمىستارى 74%-كە ورىندالدى», - دەپ جازدى م.مىرزاعاليەۆ ءوزىنىڭ Twitter-دەگى پاراقشاسىندا.
ءمينيستردىڭ ايتۋىنشا, وڭىردەگى سۋ باسۋدىڭ سالدارىنان ارنالاردى تازالاۋ كەيىنگە قالدىرىلدى. بارلىق بۇرىن جۇمىلدىرىلعان تەحنيكا توتەنشە جاعداي سالدارىن جويۋعا جىبەرىلدى. «وسىعان قاراماستان بەلگىلەنگەن جۇمىستاردى مەرزىمىندە اياقتاۋعا تىرىسامىز», - دەدى ۆەدومستۆو باسشىسى.
مينيستر سونداي-اق قازىرگى ۋاقىتتا پلوتينانى جوندەۋ جəنە جەر سىلكىنىسىنە توزىمدىلىگىن ارتتىرۋ ءۇشىن قۇرىلىس-مونتاج جۇمىسى جۇرگىزىلىپ جاتقان شاردارا سۋ قويماسىنا باردى. م.مىرزاعاليەۆتىڭ ايتۋىنشا, جوبادا 125 ادام جۇمىس ىستەۋدە. ونى كەلەسى جىلى اياقتاۋ جوسپارلانىپ وتىر.
