اۋىل شارۋاشىلىعى مينيسترىنە وڭىردەگى اكىمدىك وكىلدەرى ەگىن ناۋقانىنىڭ جاي-كۇيىن تولىقتاي تانىستىردى. بۇگىنگى تاڭدا جەر جىرتۋ, ىلعالدى جابۋ جانە كۇزدىك داقىلدار مەن كوپجىلدىق شوپتەردى ەگۋ جۇمىستارى تولىعىمەن اياقتالدى.
جالپى, بيىل شىعىس قازاقستان وبلىسىندا 1,3 ميلليون گەكتار القاپقا ەگىن ەگىلەدى, بۇل وتكەن جىلمەن سالىستىرعاندا 6,8 مىڭ گەكتارعا كوپ. كوبىنە وبلىستا ءداندى جانە بۇرشاقتى, سونىمەن بىرگە مايلى داقىلدار ەگىلەدى. 445 مىڭ گەكتاردان استام جەرگە نەگىزىنەن مايلى داقىلدار سالىنادى.
سونداي-اق, 19 مىڭ گا جەرگە كارتوپ, 16 مىڭعا كوكونىس پەن باقشا سالىنادى. بۇل شىعىس قازاقستان وبلىسىنداعى جالپى ەگىس القابىنىڭ 2,5% قۇرايدى.
وبلىستا كوكتەمگى دالا جۇمىستارىن 2,5 مىڭنان استام شارۋا قوجالىقتارى جۇرگىزەدى. وعان 16,6 مىڭ تراكتور, 5 مىڭنان استام جۇك كولىگى, 93 ەگىن ەگۋ كەشەنى, 11 مىڭنان استام سەپكىش, سوقالار مەن قوپسىتقىشتار تارتىلدى.
ەگىس القابى ءۇشىن پاۆلودار محز-نان 30 مىڭ توننا ديزەل وتىنى بەرىلدى. تۇقىم, مينەرالدى تىڭايتقىشتار, گەربيتسيدتەر مەن پەستيتسيدتەر ساتىپ الۋعا سۋبسيديا تۇرىندە وبلىستىق بيۋدجەتتەن 5,4 ملرد. تەڭگەدەن استام قاراجات ءبولىندى.
كوكتەمگى دالا جۇمىستارىمەن تانىسقاننان كەيىن اۋىل شارۋاشىلىعى ءمينيسترى گلۋبوكوە اۋدانى, سولنەچنوە اۋىلىنداعى «مايلى داقىلداردىڭ تاجىريبەلىك شارۋاشىلىعى» جشس ۇجىمىمەن كەزدەستى. بۇل 55 جىلدىق تاريحى بار كومپانيا. نەگىزگى باعىتى كۇنباعىس جانە ءداندى داقىلداردىڭ جوعارى رەپرودۋكتسياسىنىڭ تۇقىمدارىن وندىرەدى, سونىمەن قاتار, اۋىلشارۋاشىلىق ونىمدەرىنىڭ تاۋارلىق ءوندىرىسى جانە ءسۇت فەرمالارى بار. كومپانيادا 350 ادام جۇمىس ىستەيدى.
كومپانيا ديرەكتورى م. اتاحانوۆ مينيسترگە قولدانىستاعى وندىرىستىك بازا جايلى باياندادى. ونىڭ ايتۋىنشا, فەرمادا 10 مىڭ گەكتار القاپ بار, وندا كۇزدىك جانە جازدىق بيداي, ارپا, بۇرشاق, سويا, كۇنباعىس جانە كوپجىلدىق وسىمدىكتەردىڭ تۇقىمدارى وسىرىلەدى. مايلى داقىلدارعا اسىرەسە كۇنباعىسقا ەرەكشە باسىمدىق بەرىلەدى. 1965 جىلدان باستاپ كومپانيا 20-دان استام جوعارى ساپالى ماي تۇرلەرىن شىعاردى.
ساپارحان وماروۆ تاجىريبەلى شارۋاشىلىقتا عىلىمدى دامىتۋعا 100 ميلليوننان استام قاراجات تارتۋ بويىنشا جۇمىستار ۇيىمداستىرىلعانىن اتاپ ءوتتى. ينۆەستورلار قاراجاتىنا جاڭادان سەلەكتسيالىق تۇقىم شارۋاشىلىعى جانە زەرتحانالىق قۇرىلعىلار الىنعان.
