قوعامدىق كەڭەستىڭ قۇرامىنا مەملەكەتتىك ورگانداردىڭ وكىلدەرى جانە كونكۋرستىق نەگىزدە «قوعامدىق كەڭەس تۋرالى» زاڭىندا بەلگىلەنگەن تارتىپپەن كوممەرتسيالىق ەمەس ۇيىمداردىڭ وكىلدەرى, ازاماتتار كىرەدى. قۇرامىنداعى مۇشەلەر سانى - 12 ادام.
قوعامدىق كەڭەسكە ون سەگىز جاسقا تولعان قازاقستان رەسپۋبليكاسىنىڭ ازاماتى مۇشە بولا الادى.
سونىمەن قاتار, ۇمىتكەردىڭ:
- سوتتىلىعى بولماۋى;
- زاڭدا بەلگىلەنگەن تارتىپپەن سوت تانىعان سىبايلاس جەمقورلىق قىلمىس جانە (نەمەسە) سىبايلاس جەمقورلىق قۇقىق بۇزۋشىلىق ءۇشىن كىنالى بولماۋى;
- پسيحيكالىق اۋرۋ, ىشىمدىككە, ەسىرتكىگە تاۋەلدىلىك بويىنشا دەنساۋلىق ساقتاۋ ۇيىمدارىندا تىركەلگەن بولماۋى كەرەك.
بايقاۋعا قاتىسۋ ءۇشىن:
- كوممەرتسيالىق ەمەس ۇيىمنىڭ جازباشا ۇسىنىسى جانە (نەمەسە) ازاماتتىڭ ءوزىنىڭ قوعامدىق كەڭەسكە مۇشەلىككە وتۋگە ءوتىنىشى;
- ومىرباياندىق مالىمەتتەر كورسەتىلگەن ۇمىتكەردىڭ كاسىپتىك جانە (نەمەسە) قوعامدىق قىزمەتى تۋرالى اقپارات.
كوممەرتسيالىق ەمەس ۇيىمنىڭ ۇسىنىسى جانە (نەمەسە) ازاماتتىڭ ءوزىنىڭ قوعامدىق كەڭەسكە مۇشەلىككە وتۋگە ءوتىنىشى جازباشا تۇردە, ۇمىتكەردىڭ اتى-ءجونى, كاسىپتىك جانە (نەمەسە) قوعامدىق قىزمەتى تۋرالى مالىمەتتەر, ومىرباياندىق مالىمەتتەر جانە ونىڭ جوعارىداعى تالاپتارعا سايكەستىگىن راستايتىن قۇجاتتار كورسەتىلىپ جىبەرىلۋى قاجەت.
قوعامدىق كەڭەس مۇشەلەرىن ىرىكتەۋ كونكۋرسىندا بايقاۋشى بولۋعا نيەت بىلدىرگەن ازاماتتار جۇمىس توبىنىڭ وتىرىسىنا بايقاۋشى رەتىندە قاتىسۋعا ەلەكتروندىق پوشتاعا ءوتىنىش جىبەرەدى.
قۇجاتتار ەلەكتروندى تۇردە كەلەسى مەكەن-جايعا جىبەرىلۋى ءتيىس: a.kabdullina@enbek.gov.kz, n.zhansarinova@enbek.gov.kz; اقپارات ءۇشىن ۇيالى تەلەفوندار 8-778-193-01-56; 8-705-523-43-30. ءار كوممەرتسيالىق ەمەس ۇيىم جانە ءوز ۇسىنىستارىن بەرگەن ءاربىر ازامات ءبىر ۇمىتكەردەن ارتىق ەمەس ۇسىنا الادى.
