ونىڭ ايتۋىنشا, تاسقىن سۋ 38 ءۇيدى زاقىمداعان. الايدا, ول باسپانالار تەك اعىمداعى جوندەۋ جۇمىستارىن تالاپ ەتەدى. مۇنان بولەك 12 قورا-قوپسى قۇلاعان. قۇلاعان نىسانداردىڭ قۇجاتى بولماعاندىقتان, قوراعا مەملەكەت تاراپىنان وتەماقى تولەنبەيدى. سونداي-اق, ەكى باس ءىرى قارا مال سۋعا اعىپ كەتكەن.
جيىندا ءسوز العان قالا اكىمىنىڭ ءبىرىنشى ورىنباسارى ەربول سادىر سۋ تاسقىنىنىڭ سالدارىن انىقتاۋ جانە كەلتىرىلگەن شىعىن كولەمىن ەسەپتەۋ جۇمىستارى ارنايى قۇرىلعان كوميسسيامەن ءالى دە جۇرەتىنىن اتاپ ءوتتى.
«مامىر ايىنىڭ 13-نەن 14-نە قاراعان ءتۇنى 40 مينۋتتا جارتى ايلىق جاۋىن جاۋعان. سونىڭ ناتيجەسىندە, بادام وزەنى ارقىلى وتكەن سۋ مولشەرى سەكۋندىنا 146 تەكشە مەتر بولىپتى. ياعني, سۋ ورتا قالىپتى جاعدايدان جەتى ەسە كوپ بولعان. قازىر بولسا, سەكۋندىنا 49 تەكشە مەتر سۋ ءوتىپ جاتىر. بۇل دەگەنىمىز, وزەن سۋى تومەندەپ جاتىر دەگەندى بىلدىرەدى. قالاداعى جاعدايعا بايلانىستى اۋىلشارۋاشىلىعى, ەنەرگەتيكا باسقارماسىمەن قالاداعى قاۋىپ توندىرەدى دەگەن جەرلەردى انىقتاپ شىقتىق. سوعان بايلانىستى, 4 اۋداننىڭ اكىمدەرىنە تاپسىرما بەرىلدى. ماسەلەن, اباي اۋدانى بادام وزەنىنىڭ جاعالاۋىن بەكىتۋ بويىنشا قاجەتتى جۇمىستاردى جۇرگىزىپ جاتىر»,- دەدى ەربول سادىر.
ايتا كەتەيىك, اۋا-رايىن بولجاۋشىلار شىمكەنتتە الداعى كۇندەرى دە جاۋىن-شاشىن بولاتىنىن ايتادى. سول سەبەپتى, قالا باسشىلىعى تاراپىنان ساقتىق شارالارى كۇشەيتىلەدى.
شىمكەنت
