وبلىستىق سىبايلاس جەمقورلىققا قارسى قىزمەتى ۇلتتىق جول اكتيۆتەرى ساپاسى ورتالىعىنىڭ وكىلدەرىمەن بىرلەسىپ وسكەمەنگە كىرە بەرىس اينالما جولى قۇرىلىسىنىڭ 2 شاقىرىمىنا رەيد جۇرگىزدى.
«ساپالى جول» جوباسى اياسىندا جۇرگىزىلگەن رەيد بارىسىندا زاڭ بۇزۋشىلىققا جول بەرىلگەنى انىقتالعان. «جوسپار بويىنشا اسفالتبەتوندى جول توسەمىنىڭ قالىڭدىعى 12 سانتيمەتردى قۇراۋى ءتيىس بولسا, فاكت بويىنشا 6 سانتيمەتردى عانا قۇراعان. جولداردى جوندەۋ جانە سالۋ كەزىندەگى مۇنداي كەمشىلىكتەر جول ساپاسىنا كەرى اسەر ەتەدى. مەردىگەر ۇيىمدار ءبىرىنشى كەزەكتە جول توسەمىنىڭ ۇزاققا شىداس بەرۋى قۇرىلىس ساپاسىنا بايلانىستى ەكەنىن ءتۇسىنۋى ءتيىس» دەيدى سىبايلاس جەمقورلىققا قارسى ءىس-قيمىل اگەنتتىگىنىڭ شىعىس قازاقستان وبلىسى بويىنشا دەپارتامەنتىنىڭ باسقارما باسشىسى رەنات نابيەۆ.
جىل باستالعالى بەرى جول ساپاسىن تەكسەرۋ ماقساتىندا 61 ءىس-شارا قولعا الىنىپ, سونىڭ ناتيجەسىندە 31 زاڭ بۇزۋشىلىق انىقتالىپتى.
شىعىس قازاقستان وبلىسى
