قازىر قاۋىپتى ىندەتكە بايلانىستى تۇتىنۋشىلاردىڭ كوبىسى ونلاين تولەمگە كوشكەنى بەلگىلى. كارانتين كەزىندە مەشىتتەرگە كىرۋگە رۇقسات جوق بولعانىمەن, ۇيىندە دۇعا ەتكەن جاماعات ء«پىتىر ساداقاسى», «زەكەت», ء«پىديا» جانە «اۋىزاشار» سەكىلدى قايىرىمدىلىقتى Kaspi Bank, Halyk Bank نەمەسە Qiwi ءموبيلدى قوسىمشالارى ارقىلى كورسەتە الادى. ماسەلەن, قايىرىمدىلىق جاساۋعا نيەت ەتكەن ادام Kaspi Bank قوسىمشاسىنداعى قايىرىمدىلىق (بلوگوتۆوريتەلنوست) ءبولىمىن تاڭداپ, ءوزى تۇراتىن اۋماقتاعى مەشىتكە ارنايى تولەم جىبەرە الادى. قازىردىڭ وزىندە نۇر-سۇلتان قالاسىنا قاراستى 13 مەشىت, سونداي-اق الماتى جانە الماتى وبلىسىندا – 45, شىمكەنتتە – 40, باتىس قازاقستان وبلىسىندا – 62, سولتۇستىك قازاقستان وبلىسىندا – 53, شىعىس قازاقستان وبلىسىندا – 24, وڭتۇستىك قازاقستان وبلىسىندا 22 مەشىت وسى جۇيەگە تىركەلىپ ۇلگەرىپتى. سونداي-اق «زەكەت», «حارەكەت», «دارا», «قاسيەتتى جول», «پوداري دەتيام جيزن» سياقتى قايىرىمدىلىق قورلارىنا دا اقشالاي كومەك رەتىندە تولەم جىبەرە الاسىز.
شاريعات بويىنشا ءار مۇسىلمانعا ءپىتىر ساداقاسىن بەرۋ پارىز. حاديستە: ء«پىتىر ساداقاسى اۋىزدان شىققان ۇنامسىز سوزدەردەن جانە (ابايسىزدا ىستەپ قويعان) جاعىمسىز ارەكەتتەردەن تازارتۋشى ءارى كەدەيلەرگە ىشەر اس بولسىن», دەپ ايتىلعان. وسىعان بايلانىستى الماتى وبلىسى, ۇيعىر اۋدانىنىڭ باس يمامى دانيار قالماقباي ۇلىمەن اڭگىمەلەسۋدىڭ ءساتى ءتۇستى. «اسىعا كۇتكەن ون ەكى ايدىڭ سۇلتانى رامازان ايىندا ءبىزدىڭ اۋدان تۇرعىندارىنىڭ دا پىتىرلەرىن ونلاين تولەم ارقىلى جىبەرۋگە مۇمكىندىگى بار. ينتەرنەت ارقىلى جىبەرۋگە مۇمكىندىگى جوق جاندار ءۇشىن مەشىتتىڭ سىرتىنا جاشىك قويىپ قويعانبىز. كۇندەلىكتى ءتارتىپ بويىنشا مەشىتكە يمام, كومەكشىسى جانە ازانشى عانا كەلەدى. ىندەتتەن تەزىرەك قۇتىلۋ ءۇشىن باس ءمۇفتيىمىزدىڭ ۇندەۋىنە ءبىز دە قوسىلىپ, كۇندە ۇزدىكسىز حاتىم قۇران وقۋدامىز. ءمۇفتياتتىڭ تاپسىرماسىمەن جاماعاتتىڭ اتىنان الەۋمەتتىك جاعدايى تومەن وتباسىلارعا, جالعىزباستى انالارعا 100-دەن استام ازىق-ت ۇلىك پاكەتتەرى تاراتىلدى. ساۋابى مول ىزگى ايدى بارشا مۇسىلمان قاۋىم يگى ىستەرگە جۇمساۋى ءتيىس! رامازان ايىندا تىلەگەن تىلەك قابىل بولادى دەيدى. شىنىن ايتۋ كەرەك, جاماعات مەشىتتى ساعىنىپ ءجۇر, اللا تاعالام سابىر بەرسىن», دەيدى د.قالماقباي ۇلى.
قازىر ونلاين تاپسىرىسپەن اعايىن, تۋىس, دوس-جاران, مۇمكىندىگى شەكتەۋلى جاندارعا قايىرىمدىلىق رەتىندە اۋىزاشارلار بەرىپ جاتقاندار كوپ. مىسالى, بەلگىلى پسيحولوگ قۇرالاي حانىم جولداسى ەكەۋى Hantalapai_Nursultan مەيرامحاناسىنان ونلاين تاپسىرىسپەن تاعام الدىرىپ, ورازا تۇتقان 100 ادامعا جەتكىزىپ بەرىپ, اۋىز اشتىرىپتى. وسىنداي ساۋاپتى ىستەردىڭ باسى-قاسىندا جۇرگەن Iftar_kafe مەيرامحاناسىنىڭ اكىمشىلىك جەتەكشىسى تابيعات جۇماشەۆامەن تەلەفون ارقىلى تىلدەسكەنىمىزدە ء«بىزدىڭ مەيرامحاناداعى اۋىزاشارعا كەلەتىن بولساق, تەك online ساۋدا جاساۋدامىز. ارينە, بۇل ادەتتەگى ساۋدادان ءسال قيىنعا سوعۋدا. دەگەنمەن دە فيرمالىق تاعامدارىمىزعا جەڭىلدىكتەر قاراستىرىلعان. مىسالى, 5 ءتۇرلى كاۋاپقا تاپسىرىس بەرەتىن بولسا, تابا نان جانە ءوزىمىز دايىنداعان 3 ليترلىك كومپوت, كاركادە, كيسەل سۋسىندارىن سىيعا تارتامىز. ودان دا كوپ تاپسىرىس بەرەتىن بولسا وسى سىيلىقتارعا قوسا قىمىز بەرىلەدى. اللاعا شۇكىر, اۋىزاشار تاعامدارىنا تاپسىرىس بەرۋشىلەردىڭ قاتارى كۇننەن كۇنگە ارتىپ كەلەدى», دەدى.
ەندەشە ورازادا تىلەگەن دۇعا-تىلەكتەرىڭىز قابىل بولىپ, بارشا الەم جۇرتى امان بولسىن, اعايىن. جاقسى امالدارىمىز كوبەيە بەرسىن.
ايىم بولاتقىزى
نۇر-سۇلتان
