اۋىلداعى ساۋران كوشەسىنىڭ 150 تۇرعىن ءۇيى بار بولىگىندە قاۋىپتى جاعداي تۋىنداعان. اۋلالارعا سۋ كىرگەن. تۇرعىندار اۋدان ورتالىعى لەنگىر قالاسىنا ەۆاكۋاتسيالاندى. اۋدان اكىمى باۋىرجان وماربەكوۆتىڭ مالىمدەۋىنشە, تاسقىن سۋدىڭ ارناسىن بۇرۋ, بوگەۋ ارقىلى ۇيلەردى باسىپ قالۋىنا جول بەرمەس ءۇشىن وبلىستىق, اۋداندىق توتەنشە جاعداي قىزمەتتەرىمەن بىرلەسە 180 ازامات جانە 44 ارنايى تەحنيكا جۇمىلدىرىلعان. تاسقىن سۋ الاتاۋ اۋىل وكرۋگىنىڭ ەكپىندى اۋىلىنداعى جانە لەنگىر قالاسىنىڭ بىرقاتار تۇرعىن ءۇي اۋلالارىنا دا كىرگەن.
سونداي-اق قاتتى جاۋعان نوسەرلى جاۋىن-شاشىن سالدارىنان قاسقاسۋ اۋىلدىق وكرۋگىندەگى قاسقاسۋ وزەنى سۋىنىڭ دەڭگەيى كوتەرىلىپ, ارناسىنان تاسىدى. قاسقاسۋ ەلدى مەكەنىنىڭ ىشىندەگى 4 بىردەي كوپىردى سۋ العان. جەدەل جۇمىس توبى سۋدان كەلگەن قاۋىپتىڭ الدىن-الۋ جۇمىستارىن ۇيىمداستىرىپ, جەرگىلىكتى جۇرت ءۇشىن جاناما كوپىر ارقىلى ءوتۋ جولدارىن قاراستىرعان. اۋداندا اتالمىش توتەنشە وقيعالارعا بايلانىستى شتاب قۇرىلعان. قازىرگى تاڭدا جاڭبىر باسىلىپ, سۋ دەڭگەيى تومەندەگەن, ياعني قاۋىپ سەيىلدى.
جاۋىن - شاشىن سالدارىنان قازىعۇرت اۋدانىندا دا تۇرعىن ۇيلەردىڭ اۋلاسىنا سۋ كىرگەن جاعدايلار ورىن الدى. جىگەرگەن اۋىل وكرۋگى بويىنشا 30-ءۇيدىڭ اۋلاسىنا سۋ كىرگەن, 2 قورا قۇلاعان. اتالعان وقيعا ورنىنا ءورت ءسوندىرۋ ءبولىمىنىڭ 30 قىزمەتكەرى اۋدان, اۋىل اكىمدىگىنەن 15 قىزمەتكەر 6-تەحنيكا جانە 5 موتوپومپامەن ءۇي اۋلالارىنان سۋ شىعارۋ جۇمىستارىن جۇرگىزۋدە. ورىن العان جاعدايلار بويىنشا زارداپ شەككەندەر جوق. كەلتىرىلگەن زالال شىعىندارى ەسەپتەلۋدە.
نɵسەرلi جاۋىن-شاشىن سايرام اۋدانى تۇرعىندارىن دا ابىگەرگە سالدى. اقسۋكەنت, قاراسۋ, قارابۇلاق, مانكەنت اۋىلدارىنداعى بىرقاتار ءۇي اۋلاسىنا سۋ جينالعان. اۋدان اكىمدىگى, اۋداندىق توتەنشە جاعدايلار باسقارماسى باسشىلىعى مەن اۋىل əكiمدەرi تاراپىنان دەر كەزىندە ءتيىستى الدىن الۋ شارالارى جۇرگىزىلدى.
تۇركىستان وبلىسى
