كوروناۆيرۋس • 13 مامىر، 2020

رەسەي ۆيرۋس كوپ تاراعان ەكىنشى ەلگە اينالدى، بۇگىن 10 مىڭ ادامنان انىقتالدى

14 رەتكورسەتىلدى

كورشىلەس رەسەيدە كوروناۆيرۋس جۇقتىرعان ادامدار سانى كۇن ساناپ ارتىپ كەلەدى. بۇگىن رەسەي اقش-تان كەيىنگى ۆيرۋس ەڭ كوپ تاراعان ەكىنشى ەلگە اينالدى. 

سوڭعى تاۋلىكتە ەلدە 10 028 ادامنىڭ ۆيرۋس جۇقتىرعانى انىقتالدى، رەسەيدە بارلىعى 242 271 جاعداي تىركەلگەن.

ەل ۇكىمەتى جاعدايدىڭ قيىندىعىنا قاراماستان وسى اپتادان باستاپ كارانتين شارالارىن جەڭىلدەتە باستادى.  

كوروناۆيرۋس جۇقتىرعانداردىڭ كوبى ەل استاناسى ماسكەۋدە تىركەلگەن. قالا مەرى سەرگەي سوبيانين جاعدايدى باقىلاۋدا ۇستاۋ ءۇشىن ماسكەۋدە كارانتين شارالارىن مامىردىڭ سوڭىنا دەيىن ۇزارتتى.

ۆيرۋس جۇقتىرعانداردىڭ سانى كوپ بولعانىمەن، ەۋروپا ەلدەرىمەن سالىستىرعاندا قايتىس بولعانداردىڭ سانى تومەن. 2 212 ادام ىندەتتەن كوز جۇمعان.

ءولىم سانىنىڭ از بولۋىن ەل بيلىگى باتىس ەۋروپانىڭ ءساتسىز تاجىريبەسىن زەرتتەۋ ارقىلى العان ساباقتىڭ ناتيجەسى دەپ ءتۇسىندىردى. 

ەلدە جاسالعان ساراپتاما سانى دا جوعارى، بارلىعى 6 ميلليونعا جۋىق ادامدى تەكسەرگەن.

الەمدە بارلىعى 4 283 885 جاعداي تىركەلدى. كوروناۆيرۋستان قايتىس بولعاندار سانى 293 157-دەن اسسا، 1،5 ملن ادام ىندەتتەن ەمدەلىپ شىقتى.

 

سوڭعى جاڭالىقتار

ۇقساس جاڭالىقتار