اۋعانستاننىڭ استاناسى – كابۋل قالاسىندا ساۋدا-ەكونوميكالىق ىنتىماقتاستىق جونىندەگى قازاقستان-اۋعانستان ۇكىمەتارالىق كوميسسياسىنىڭ (ۇاك) التىنشى ءماجىلىسى بولىپ ءوتتى. ۇاك-ءتىڭ تەڭ توراعالارى رەتىندە قازاقستان رەسپۋبليكاسىنىڭ توتەنشە جاعدايلار ءمينيسترى ۆلاديمير بوجكو مەن اۋعانستان ساۋدا جانە ونەركاسىپ ءمينيسترى ءانۋار ۋل حاكا احادي قاتىستى.
اۋعانستاننىڭ استاناسى – كابۋل قالاسىندا ساۋدا-ەكونوميكالىق ىنتىماقتاستىق جونىندەگى قازاقستان-اۋعانستان ۇكىمەتارالىق كوميسسياسىنىڭ (ۇاك) التىنشى ءماجىلىسى بولىپ ءوتتى. ۇاك-ءتىڭ تەڭ توراعالارى رەتىندە قازاقستان رەسپۋبليكاسىنىڭ توتەنشە جاعدايلار ءمينيسترى ۆلاديمير بوجكو مەن اۋعانستان ساۋدا جانە ونەركاسىپ ءمينيسترى ءانۋار ۋل حاكا احادي قاتىستى.
ءماجىلىس شەڭبەرىندە ۆ.بوجكو اۋعانستاننىڭ ەكىنشى ۆيتسە-پرەزيدەنتى موحامماد كاريم حاليليمەن ەكىجاقتى كەزدەسۋ وتكىزدى. تاراپتار باسىم ماسەلەلەردىڭ كەڭ اۋقىمى مەن ەكى ەل اراسىنداعى ساۋدا-ينۆەستيتسيالىق ىنتىماقتاستىقتى دامىتۋدىڭ پەرسپەكتيۆالى باعىتتارىن تالقىلادى. اڭگىمە بارىسىندا قازاقستان مەن اۋعانستان اراسىندا اۋىل شارۋاشىلىعى, كولىك قۇرىلىمدارى, ءبىلىم بەرۋ, قورعانىس ونەركاسىبى سالالارىندا ەكىجاقتى ءىس-قيمىلدىڭ ايتارلىقتاي الەۋەتى بار ەكەنى اتاپ كورسەتىلدى. م.ك.حاليلي قازاقستان اۋعانستاننىڭ وڭىردەگى ماڭىزدى ارىپتەسى بولىپ تابىلاتىنىن اتاپ ءوتىپ, اۋعان حالقىنا كورسەتىلىپ كەلە جاتقان گۋمانيتارلىق كومەك ءۇشىن ريزاشىلىعىن ءبىلدىردى.
ەكى ەل ساۋدا-ونەركاسىپ پالاتالارىنىڭ وكىلدەرى كەلىسسوز قورىتىندىلارى بويىنشا قازاقستان مەن اۋعانستان بيزنەس توپتارى وكىلدەرى اراسىنداعى ىنتىماقتاستىقتى تەرەڭدەتۋگە شەشىم قابىلدادى. اۋعان جاعى قازاقستاندىق تاراپتىڭ قازاقستاندا اۋعانستاننىڭ ساۋدا ءۇيىن اشۋ تۋرالى ۇسىنىسىنا قولداۋ ءبىلدىردى. سونداي-اق ەكىجاقتى ىنتىماقتاستىقتىڭ قۇقىقتىق بازاسىن ودان ءارى جەتىلدىرۋ ماسەلەلەرى قارالدى. تاراپتار توتەنشە جاعدايلاردىڭ سالدارىن جويۋ, اۋە كولىگى, ءمادەنيەت جانە باسقا سالالارداعى ۇكىمەتارالىق كەلىسىم جوبالارىن ءوزارا ۇيلەستىرۋدى جالعاستىرۋ كەرەكتىگىمەن كەلىستى.
ءماجىلىس قورىتىندىسى بويىنشا, قازاقستان-اۋعانستان ۇكىمەتارالىق كوميسسياسى التىنشى ءماجىلىسىنىڭ حاتتاماسىنا قول قويىلدى.
ۇاك-ءتىڭ كەلەسى ءماجىلىسى 2014 جىلى قازاقستاندا وتەدى.
«ەگەمەن-اقپارات».
