سپورتتىق, مادەني ءىس-شارالار وتكىزىلمەيدى. ازىق-ت ۇلىك بازارلارىنىڭ جۇمىسى تاڭعى ساعات 10.00 مەن كەشكى 17.00 اراسىندا جالعاسسا, كيىم-كەشەك, وزگە دە زاتتار ساتاتىن دۇكەندەر دەزينفەكتسيا جۇمىستارىن كۇشەيتىلگەن رەجيمدە جۇرگىزە وتىرىپ, تاڭعى 9.00-20.00 ارالىعىندا جۇمىس ىستەيدى. بالاباقشالاردا كەزەكشى توپتار ءوز جۇمىسىن باستايدى. الايدا, مۇندا تەك اۋرۋحانادان انىقتاماسى بار تاربيەشىلەر عانا جۇمىس ىستەۋى ءتيىس. بۇلدىرشىندەردىڭ دەنساۋلىعىنا قاتىستى انىقتاما تالاپ ەتىلەدى. سونداي-اق وبلىس اكىمىنىڭ ورىنباسارى ساكەن قالقامانوۆ ونلاين-بريفينگتە ادام كوپ جينالۋىنا جول بەرىلمەيتىن سۇلۋلىق سالوندارى, تىگىن تسەحى, اياق كيىم جوندەۋ ورىندارى, شاشتاراز, ءتىس ەمدەۋ, ەم جاساۋ ورىندارى سەكىلدى شاعىن كاسىپكەرلىك نىساندارى دا الدىن-الا جازىلۋ تاسىلىمەن جۇمىسىن باستاي الاتىنىن مالىمدەدى. باس مەملەكەتتىك سانيتاريالىق دارىگەردىڭ 2020 جىلعى 10 مامىرداعى N17 قاۋلىسىمەن بەكىتىلگەن تالاپتاردى اتاپ كەلتىردى.
ياعني, ۇيدەن شىعۋعا, سەرۋەندەۋگە تەك ماسكا تاعىپ, ارا قاشىقتىقتى ساقتاعان جاعدايدا رۇقسات ەتىلەتىنىن, وتباسىلىق مەرەكەلەر, تۋعان كۇن, توي-جيىن وتكىزۋگە, ءۇش ادامنان ارتىق توپتىڭ كوشەدە جانە قوعامدىق ورىنداردا جينالۋىنا سالىنعان تىيىم كۇشىندە قالاتىنىن ەسكەرتتى. وبلىس اۋماعىنا رۇقسات قاعازى بار اۆتوكولىكتەر مەن ازاماتتار جانە مەديتسينالىق كومەك قاجەت بولعان تۇرعىندار عانا كىرىپ-شىعا الادى.
