اسكەري قىزمەتشىنىڭ ءمايىتى ءساۋىر ايىنىڭ باسىندا سمولەنسك وبلىسىنىڭ تەمكين اۋدانىندا ىزدەۋ-بارلاۋ ەكسپەديتسياسىن جۇرگىزۋ كەزىندە تابىلعان ەدى. قازا بولعان جاۋىنگەردىڭ ساقتالىپ قالعان مەدالى ارقىلى اتى-ءجونى انىقتالدى. بەلگىسىز جاۋىنگەر قاراعاندى وبلىسى, شەت اۋدانى جاستەرەك اۋىلىنىڭ تۋماسى مەدەت امانجولوۆ بولىپ شىقتى. سوعىس الدىندا ول اسكەرگە شاقىرىلىپ, 1941 جىلى 24 جاسىندا مايدانعا اتتانادى. ول 125-ءشى جەكە اتقىشتار بريگاداسى ساپىندا جاۋعا قارسى سوعىسقان.
جاۋىنگەردىڭ تۋىستارى ءəلى كۇنگە دەيىن شەت اۋدانىندا تۇرادى. 1942 جىلى وتباسى مەدەت امانجولوۆتىڭ سمولەنسكىنى قورعاۋدا ەرلىكپەن قازا بولعانى تۋرالى حات الادى. كوپتەگەن جىل بويى ۇرپاقتارى ونىڭ جەرلەنگەن جەرىن تابۋعا تىرىسىپ, 78 جىلدان كەيىن جاۋىنگەر وتانىنا ورالدى.
سوعىستا قازا تاپقان جاۋىنگەردىڭ وتباسى جەرلەۋ ورنىنا بارعىسى كەلدى, بىراق توتەنشە جاعدايعا بايلانىستى مۇمكىندىك بولمادى. قازاق جاۋىنگەرلەرىنىڭ سۇيەكتەرىن وتانىنا قايتارۋعا اسكەري اۆياتسيا كۇشتەرى قول جەتكىزدى. جاقىن ارادا شەت اۋدانىنىڭ اعادىر زيراتىندا جاۋىنگەردى اسكەري قۇرمەتپەن قايتا جەرلەۋ ءۇشىن تۋىستارىنا بەرىلەتىن بولادى.
