امەريكانىڭ ۆۋستەر قالالىق سوتى اسىراپ العان بالالارىن زورلاعاندارى ءۇشىن ەرلى-زايىپتى دجوزەف پەن ليندا مەيوتتى باس بوستاندىقتارىنان ايىردى. بۇل تۋرالى ريا «نوۆوستي» حابارلادى.
سوت شەشىمىمەن دجوزەف مەيوتت كوممونۆەلس قالاسىنداعى تۇرمەدە 16-20 جىلعا دەيىن جازاسىن وتەيتىن بولدى. ەگەر 16 جىلدىڭ ىشىندە ءوزىن تۇرمەدە جاقسى جاعىنان كورسەتەتىن بولسا, سول مەرزىمدە بوستاندىققا شىعارىلادى. ولاي بولماعان كۇندە, جازاسىن تولىق وتەيدى. ال ونىڭ زايىبى ليندا مەيوتت ارتىق-كەمى جوق تۋرا 22 جىل ءومىرىن تار قاپاستا وتكىزەدى.
ەرلى-زايىپتى مەيوتتار 2004 جىلى قازاقستانعا كەلىپ, 13 جاسار ۇل مەن ونىڭ 8 جاسار قارىنداسىن ۋايتينسۆيلل قالاشىعىنداعى ۇيلەرىنە الىپ كەلگەن ەدى. ءبىراز ۋاقىت وتكەن سوڭ بالالار اسىراپ العان اتا-انالارى تاراپىنان ازعىرۋشىلىق ارەكەتتەرگە تاپ بولعان. ءتىپتى, ليندا اسىراندى بالاسىنان جۇكتى بولىپ, نارەستە دە تۋىپ العان ەكەن.
سوت بارىسىندا ەرلى-زايىپتىلاردىڭ شىندىقتان جالتارىپ كەتۋگە تىرىسقان ارەكەتتەرىنەن تۇك شىقپادى.
ايدار ورىسباەۆ.
