«وسى كۇنگە دەيىن 4 ملن 539 مىڭ ادامعا 42500 تەڭگە الەۋمەتتىك تولەم تاعايىندالدى. بارلىعى 193 ملرد تەڭگە بەرىلدى. ونىڭ ىشىندە وسى توتەنشە جاعدايدىڭ ءبىرىنشى ايىندا, ياعني 16 ساۋىرگە دەيىن 3 ملن 735 مىڭ ادام ءوتىنىش بەرگەن. وسى ادامدار ەكىنشى ايدا دا تولەمدەرىن الۋعا قۇقىلى. ول تولەمدەردى ءبىز ىسكە اسىرا باستادىق. مامىر ايىنىڭ باسىنان 2 ملن-عا جۋىق ادامنىڭ شەشىمىن راسىمدەپ, 99 ملرد تەڭگە بانكتەرگە جىبەردىك. ءبىراز ازاماتتار الىپ ۇلگەردى. قالعاندارىنا دا بەرىلەدى», - دەدى مينيستر ب. نۇرىمبەتوۆ.
مينيستر بۇگىننەن باستاپ وتىنىشتەردىڭ قابىلدانبايتىنىن اتاپ ءوتتى.
«بۇگىن توتەنشە جاعداي رەجيمى اياقتالدى. سوندىقتان دا ءبىز بۇگىننەن باستاپ 42500 تەڭگەگە جاڭادان بەرىلەتىن وتىنىشتەردى قابىلداۋدى توقتاتامىز. بىراق وسى 11 مامىرعا دەيىن وتكىزىلگەن وتىنىشتەردىڭ بارلىعى مىندەتتى تۇردە قارالىپ, ەرەجەگە سايكەس بولسا, تاعايىندالىپ, تولەنەتىن بولادى», - دەدى ءبىرجان نۇرىمبەتوۆ.
