«مەملەكەتتىك قىزمەتشىلەردىڭ 50 پايىزى قاشىقتان جۇمىس ىستەي بەرەدى. جەكە كاسىپورىن باسشىلارى قانشا قىزمەتكەردى جۇمىسقا شىعاراتىنىن وزدەرى انىقتاۋعا ءتيىس. جۇرتتىڭ كوبى ءالى دە ۇيدە وتىرا تۇرعانى دۇرىس بولار ەدى. بۇل – ەڭ الدىمەن, ادامداردىڭ قاۋىپسىزدىگىنە بايلانىستى ماسەلە. جۇمىس ورنىندا الەۋمەتتىك اراقاشىقتىق جانە قاتاڭ سانيتارلىق رەجيم ساقتالۋى قاجەت» دەپ ەسكەرتتى قاسىم-جومارت توقاەۆ.
پرەزيدەنت ىندەتتىڭ ەكىنشى كەزەڭى باستالىپ كەتۋى مۇمكىن ەكەنىن ايتتى.
«ىندەتتىڭ ەكىنشى كەزەڭى باستالىپ كەتۋى مۇمكىن. سوندىقتان, ءوزىمىزدىڭ امان-ساۋلىعىمىزعا, ەڭ الدىمەن, ءوزىمىز جاۋاپتى بولۋىمىز كەرەك. ىندەت قايتا ورشىگەن جاعدايدا ۇكىمەت ناقتى شۇعىل ءىس-قيمىل جوسپارىن دايىندايدى»,- دەدى مەملەكەت باسشىسى.
