وركەستر مەنەدجەرى يۋليا زايچيكوۆسكايانىڭ ايتۋىنشا, قۇتتىقتاۋ مۇنداي فورماتتا العاش وتۋدە.
«مەنىڭ ويىمشا, بۇل مۇنداي جاعدايدا ويلاپ تابىلعان ەڭ جاقسى جوبا. جالپى, بىزدە ۇلى وتان سوعىسىنىڭ 44 ارداگەرى بار. بىراق بۇگىن بار بولعانى 34-ىنە بارامىز, ويتكەنى كەيبىرى ۇيلەرىندە جوق», – دەپ ءتۇسىندىردى يۋ.زايچيكوۆسكايا.
شارا كورەرمەندەرى – ۇوس ارداگەرلەرى كوزىنە جاس الىپ, مۋزىكانتتارعا العىس ءبىلدىردى.
«بۇگىن ماعان وسىنداي مەرەكەلىك كوڭىل-كۇي سىيلاعاندارىڭىزعا ۇلكەن راحمەت. جەڭىس ءبىزدىڭ كوپۇلتتى حالقىمىزعا قانداي قيىندىقپەن كەلگەنىن بىلەسىزدەر. سوعىس بارلىق وتباسىنا اسەر ەتتى», – دەدى ۇلى وتان سوعىسىنىڭ ارداگەرى الەكساندر بابيچەۆ.
ايتا كەتەيىك, ۇلى وتان سوعىسىنداعى جەڭىستىڭ 75 جىلدىعى مەرەكەسىنە وراي نۇر-سۇلتاندا 3688 ادام بىرجولعى اقشالاي تولەم الدى. تولەمنىڭ جالپى سوماسى 180,9 ملن تەڭگەنى قۇرادى. 44 سوعىس ارداگەرلەرى مەن مۇگەدەكتەرىنە 1 ملن تەڭگەدەن, سوعىس ارداگەرلەرى مەن مۇگەدەكتەرىنە تەڭەستىرىلگەن 410 ادامعا 75 مىڭ تەڭگەدەن بەرىلدى. سونىمەن قاتار جەڭىلدىكتەر مەن كەپىلدىكتەر بويىنشا سوعىس ارداگەرلەرىنە تەڭەستىرىلگەن (قايتىس بولعان اسكەري قىزمەتشىلەردىڭ وتباسىلارى), سونداي-اق تىل ەڭبەككەرلەرىنە – 3234 ادامعا 32,5 مىڭ تەڭگەدەن تولەندى.
