اتالعان زاڭ ارقىلى مەملەكەت تاراپىنان ۇلى وتان سوعىسىنىڭ جانە وعان تەڭەستىرىلگەن بارلىق ارداگەرلەردىڭ الەۋمەتتىك ماسەلەلەرى, ولاردىڭ تاعى دا باسقا قاجەتتىلىكتەرىن وتەۋ تۋرالى ماسەلەلەر قاراستىرىلعان. قازاقستاندىق ارداگەرلەرگە تولەنەتىن جاردەماقى ۇلعايىپ, ولار سالىقتىڭ 11 تۇرىنەن بوساتىلادى. سونىمەن قاتار اتالعان زاڭدا جەكە تۇرعىن ءۇي سالۋ ءۇشىن ءبىرىنشى كەزەكتە جەر ۋچاسكەسىن الۋ قۇقىعى, كەپىلدىك بەرىلگەن ارناۋلى الەۋمەتتىك قىزمەتتەر كولەمىن ءبىرىنشى كەزەكتە الۋ جانە باسقا دا جەڭىلدىكتەر بار.
بۇگىندە ەلىمىز الەۋمەتتىك الەۋەتى ارتقان, ەكونوميكاسى دامىعان مەملەكەتكە اينالىپ وتىر. سونىمەن قاتار پرەزيدەنت رۋحاني قۇندىلىقتاردى دا ناسيحاتتاۋدا لايىقتى ەڭبەك ەتۋدە. سونىڭ ءبىر دالەلى – قابىلدانىپ وتىرعان «ارداگەرلەر تۋرالى» زاڭ. بۇل جاستاردى ۇلى جەڭىس كۇنىن جاقىنداتۋعا ۇلەس قوسقان بارلىق ارداگەرلەردى قۇرمەتتەۋگە شاقىراتىن باستاما دەپ بىلەمىن. ەل باسىنا كۇن تۋعان قيىن-قىستاۋ كەزەڭدە ارداگەرلەرىمىز قولىنا قارۋ الىپ, وتانىمىزدى قورعادى. ولار قاي قيىردا جۇرسە دە وتان الدىنداعى بورىشىن ادال اتقاردى. ەلىمىزدەگى بۇگىنگى بەيبىت كۇننىڭ ورناۋىنا ۇلەس قوستى. بۇل ءۇشىن دە بولاشاق ۇرپاق ارداگەرلەردىڭ ەرەن ەڭبەگىن ءبىلىپ ءوسۋى, سول ارقىلى قالىپتاسۋى ءتيىس دەر ەدىم.
مەملەكەت باسشىسى قاسىم-جومارت توقاەۆتىڭ ەلىمىزدىڭ ەرلىك شەجىرەسىن جاساعان ارداگەرلەر ءۇشىن زاڭعا قول قويىپ, قۇرمەت كورسەتۋى دە ەلىمىزدەگى ايتۋلى وقيعانىڭ ءبىرى. پرەزيدەنت بارلىق دەڭگەيدەگى ارداگەرلەرگە الەۋمەتتىك كومەكتەردىڭ كورسەتىلەتىنىن, ولاردىڭ ءاردايىم مەملەكەت قامقورلىعىندا بولاتىنىن ناقتىلادى. مەملەكەت تاراپىنان ارداگەرلەرگە لايىقتى قۇرمەت كورسەتىلىپ تە كەلەدى. ماسەلەن, ۇلى جەڭىس كۇنى قارساڭىندا ەلىمىزدىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ باستاماسىمەن جۇزەگە اسىپ جاتقان ء«بىز بىرگەمىز!» اكتسياسى اياسىندا از قامتىلعان جامبىلدىق 250 اۋعان سوعىسىنىڭ ارداگەرىنە 50 مىڭ تەڭگەدەن الەۋمەتتىك كومەك بەرىلدى. بۇل دا مەملەكەتىمىزدىڭ ارداگەرلەرگە كورسەتىپ وتىرعان قامقورلىعى مەن قولداۋى. ەندى ەشقاشان سوعىس بولماسىن! جاستارىمىز امان بولسىن! تاۋەلسىز ەلىمىز تۇعىرىندا ماڭگى تۇرسىن دەگەن تىلەگىم بار.
دۇكەنباي ەرمەكوۆ,
«جامبىل وبلىسى اۋعان سوعىسى ارداگەرلەرى مۇگەدەكتەرى» وداعىنىڭ توراعاسى, اۋعان سوعىسىنىڭ ارداگەرى, «قۇرمەت» وردەنىنىڭ يەگەرى
