جەڭىستى جاقىنداتقان ارداگەرلەردىڭ سانى جىل وتكەن سايىن سەلدىرەپ كەلەدى. بۇگىنگى تاڭدا تۇركىستان وبلىسىندا 40 ۇلى وتان سوعىسىنىڭ ارداگەرى, 8 مىڭعا جۋىق تىل ارداگەرى تۇرادى. بۇگىنگى ۇرپاق وتان ءۇشiن, كەلەشەك ۇرپاق ءۇشiن قاسىق قانىن اياماعان اتالارىمىز بەن اجەلەرiمiزدiڭ, اكەلەرiمiز بەن انالارىمىزدىڭ اسقاق رۋحىنا باس ءيىپ, تاعزىم ەتەدى. وسى ورايدا قازاقستان جۋرناليستەر وداعى تۇركىستان وبلىسى فيليالىنىڭ توراعاسى, «Egemen Qazaqstan» گازەتىنىڭ مەنشىكتى ءتىلشىسى عالىمجان ەلشىباي باستاعان جۋرناليستەر توبى ماقتاارال اۋدانى مىرزاكەنت ەلدى مەكەنىندە تۇراتىن سوعىس ارداگەرى سايتمۋرات كۋزجانوۆتىڭ ۇيىنە ارنايى بارىپ قايتتى. جۋرناليستەر سوعىس ارداگەرىنە «ەگەمەن قازاقستان» رەسپۋبليكالىق گازەتى» اكتسيونەرلىك قوعامى باسقارما توراعاسى دارحان قىدىرالىنىڭ جانە قازاقستان جۋرناليستەر وداعىنىڭ توراعاسى سەيىتقازى ماتاەۆتىڭ قۇتتىقتاۋىن جەتكىزىپ, سىي-سياپات تاپسىردى. بۇگىندە 96 جاسقا كەلگەن سايتمۋرات كۋزجانوۆ اقساقال مايدانعا 18 جاسىندا 1944 جىلى اتتانىپتى. سەمەي قالاسىنداعى 309 اتقىشتار پولكىندا دايىندىقتان وتكەن جاۋىنگەر ءىى ۋكراينا مايدانىندا جاۋعا قارسى سوعىسقان. ۆەنگريانى ازات ەتۋگە قاتىسقان. ەرلىگى ەلەنىپ «وتان سوعىسى» وردەنىمەن, بىرنەشە مەدالدارمەن ماراپاتتالعان. سوعىستان كەيىنگى جىلدارى اۋىل شارۋاشىلىعىندا ەڭبەك ەتىپ, 1986 جىلدىڭ اقپان ايىندا زەينەتكەرلىككە شىعىپتى. بەس ۇل-قىز ءوسىرىپ, 15 نەمەرە, 10 شوبەرە, 2 شوپشەك سۇيگەن اقساقال زاماننىڭ تىنىشتىعىن, ەلدىڭ اماندىعىن قالايدى. بۇگىندە مەملەكەت تاراپىنان جاسالىنىپ جاتقان مۇمكىندىكتەر مەن قامقورلىقتىڭ ارقاسىندا ۇل-قىزدارىنان تاراعان ۇرپاقتارىنىڭ بولاشاعى جارقىن بولاتىنىنا سەنىمدى. سونداي-اق سايتمۋرات اقساقال كەشەگى سۋ باسقان اۋىلداردىڭ جاعدايىنا الاڭداۋلى ەكەنىن دە ايتتى.
ءيا, ماقتاارال اۋدانىنداعى سۋ باسقان اۋىلدارداعى احۋال بۇگىندە ەل نازارىندا. مەملەكەت تاراپىنان, ەلىمىزدىڭ بارلىق وڭىرىنەن, بيزنەسمەندەر مەن جومارت جۇرەكتى ازاماتتاردان جان-جاقتى قولداۋ كورسەتىلۋدە. وسى ورايدا اۋداننان شىنايى اقپارات تاراتىپ وتىرعان بۇقارالىق اقپارات قۇرالدارىنىڭ وكىلدەرى دە يگى ىستەن تىس قالمادى. قازاقستان جۋرناليستەر وداعىنىڭ وبلىستىق فيليالى باستاماشى بولىپ جۋرناليستەر سۋ باسقان ەلدى مەكەن تۇرعىندارىنا 600 مىڭ تەڭگەگە جۋىق قارجى كولەمىندە كومەك كورسەتتى. ماقتاارال اۋدانىندا جاعدايعا تولىق قانىققان رەسپۋبليكالىق, وبلىستىق بۇقارالىق اقپارات قۇرالدارىنىڭ وكىلدەرى جاڭا تۇرمىس اۋىلىنىڭ تۇرعىندارى ورنالاسقان ت.اۋباكىروۆ اتىنداعى مەكتەپتە بولدى. بۇل ەۆاكۋاتسيالىق ورىندا 300-دەي تۇرعىنعا بارلىق جاعداي جاسالىنعان. جۋرناليستەر تۇرعىندارمەن اڭگىمەلەسىپ, احۋالىن ءبىلدى, ارنايى الىپ كەلگەن قوي قۇرباندىققا شالىنىپ اقساقالدار اق باتاسىن بەردى. ال ق.ساتپاەۆ اتىنداعى مەكتەپتە قاشىقتان وقىپ, ءبىلىمىن جالعاستىرىپ جاتقان وقۋشىلارعا جۋرناليستەر زاماناۋي تەلەديدار تارتۋ ەتتى. سونداي-اق جەرگىلىكتى جەردەگى ارىپتەستەردىڭ جاعدايى دا نازاردان تىس قالمادى. وكىنىشكە قاراي, ماقتاارال اۋدان اكىمىنىڭ ءباسپاسوز حاتشىسى دىنمۇحاممەد ايازبەكوۆتىڭ ورگەباس اۋىلىنداعى ءۇيى سۋدا قالعان بولاتىن. وسىنداي قيىن ساتتە جۋرناليستەر دىنمۇحاممەدكە قارجىلاي ارىپتەستىك كومەك كورسەتتى.
سونداي-اق جۋرناليستەر توبى اۋدانداعى سۋ باسقان اۋىلداردا بولىپ, بۇگىنگى تاڭدا اتقارىلىپ جاتقان جۇمىستاردى كوردى. توتەنشە جاعداي شتابىنىڭ وكىلدەرىنەن تولىققاندى ماعلۇماتتار الدى.
