سارىاعاش اۋدانىنىڭ اكىمدىگىنە بەكىتىلگەن يگىلىك اۋىلىنداعى ورتا مەكتەپتەگى ەۆاكۋاتسيالىق بەكەتتە جاڭاتۇرمىس اۋىلىنىڭ 200-دەن استام تۇرعىنى ورنالاسقان. بارلىق ەۆاكۋاتسيالىق ورتالىقتار ازىق-ت ۇلىك پەن ءبىرىنشى قاجەتتىلىكتەگى زاتتارمەن, ءۇش مەزگىل ىستىق تاماقپەن قامتىلعان. مەديتسينا جانە پوليتسيا قىزمەتكەرلەرى تاۋلىك بويى قىزمەت ەتەدى. «سۋ استىندا قالعان اۋىلدىڭ ءاربىر تۇرعىنى 100 مىڭ تەڭگەدەن كومەك الادى. مىرزاكەنت ەلدى مەكەنىندە جاڭا ىقشام اۋدان سوعىلادى. ول جەرگە جەڭىس, جاڭاتۇرمىس, دوستىق اۋىلدارى تولىقتاي كوشىرىلەدى. جاڭا قالاشىقتا ورتالىقتاندىرىلعان اۋىزسۋ جانە گاز تارتىلىپ, ەلەكتر جارىعى, بايلانىس جەلىسى, جولدار جاسالاتىن بولادى. جاڭا مەكتەپ, بالاباقشا, ياعني, الەۋمەتتىك نىساندار سالىنادى. ەڭ باستىسى اۋىزبىرشىلىگىمىز اجىراماي, بار قيىندىقتى ەل بولىپ ەڭسەرۋىمىز قاجەت», دەدى اۋىل تۇرعىندارىمەن كەزدەسۋدە ومىرزاق شوكەەۆ.
كەلەس اۋدانىنا بەكىتىلگەن فيردوۋسي اۋىلىنىڭ 530 تۇرعىنى ورتا مەكتەپتە ۋاقىتشا مەكەندەۋدە. سۋدان زارداپ شەككەن ورگەباس جانە فيردوۋسي حالقىنا تاڭداۋ بەرىلدى. وبلىس اكىمىمەن كەزدەسۋدە ەكى اۋىل تۇرعىندارىنىڭ وزگە ەلدى مەكەننەن بوي كوتەرەتىن جاڭا ىقشاماۋدانعا كوشە الاتىنى ايتىلدى. مەملەكەت تاراپىنان ۇيلەر قالپىنا كەلتىرىلەدى, ەگەر ءاربىر تۇرعىن ءۇيىن ءوزى سالۋعا نيەت بىلدىرسە, وعان وتەماقى تولەنەدى. تۇرعىندار شەشىمدى شۇعىل تۇردە ءوزارا اۋىلارالىق جينالىستا شەشەتىن بولدى. بۇدان بولەك, تۇرعىندار اپات ايماعىندا جۇرگىزىلەتىن قۇرىلىسقا شاقىرىلدى. قۇرىلىس جۇمىسىنا قاتىسۋشى ازاماتتارعا جالاقى تولەنەدى. سونداي-اق, اۋىل شارۋاشىلىعى تاۋار وندىرۋشىلەرىنىڭ شىعىنى دا وتەلەدى. نەسيە تولەۋ ۋاقىتى كەيىنگە شەگەرىلەدى. ال, جوعالعان مالدىڭ شىعىنى توتەنشە جاعداي بويىنشا شتاب جانىنان قۇرىلعان كوميسسيا شەشىمى نەگىزىندە وتەلمەك.
سونداي-اق وبلىس اكىمى №5 مەكتەپ-گيمنازياسىنا جايعاستىرىلعان جەڭىس ەلدى مەكەنى مەن سۋ باسۋ قاۋىپى جوعارى نۇرلىجول اۋىلىنىڭ حالقىمەن كەزدەستى. ورتالىققا جاۋاپكەرشىلىك شاردارا اۋدانىنىڭ اكىمدىگىنە بەكىتىلگەن. ماقتاارال اۋدانىنىڭ اۋماعىنداعى 11 ەۆاكۋاتسيالاۋ ورتالىقتا 2404 ادام ورنالاستىرىلعان. ال توتەنشە جاعدايعا قاتىستى اشىلعان ارنايى قويمادا 232 توننادان استام ازىق-ت ۇلىك قورى جينالعان. ەت, ۇن, كۇرىش, ماي جانە كيىم-كەشەك پەن كۇندەلىكتى قولدانىسقا قاجەتتى زاتتار ەۆاكۋاتسيالىق ورتالىقتارداعى تۇرعىندارعا كۇندەلىكتى تاراتىلۋدا. سىن ساعاتىندا قول ۇشىن سوزعان ءوڭىردىڭ بارلىق اۋداندارى مەن وزگە وبلىستاردان گۋمانيتارلىق كومەكتەر جەتكىزىلۋدە. باقىلاۋ Nur Otan پارتياسى وبلىستىق فيليالى باسشىلىعىنا جۇكتەلگەن.
تۇركىستان وبلىسى
