مۋزىكانتتار قاتارىندا – قازاقستاننىڭ ەڭبەك سىڭىرگەن قايراتكەرى, وپەرا ءانشىسى, تانىمال باريتون ازامات جىلتىركوزوۆ, مادەنيەت قايراتكەرى, «استانا وپەرا» وپەرا ترۋپپاسىنىڭ باس كونتسەرتمەيستەرى, پيانيست ەلەنا ساحنو, رەسەيدىڭ ەڭبەك سىڭىرگەن ونەر قايراتكەرى, پروفەسسور, يپپوليتوۆ-يۆانوۆ اتىنداعى مەملەكەتتىك مۋزىكالىق-پەداگوگيكالىق ينستيتۋتىنىڭ رەكتورى ۆالەري ۆورونا, سكريپكاشى, ديريجەر, «گرەممي» سىيلىعىنىڭ ەكى مارتە لاۋرەاتى ماكسيم ۆەنگەروۆ, رەسەيدىڭ حالىق ءارتىسى, پيانيست, پروفەسسور ۆلاديمير وۆچيننيكوۆ, رەسەيدىڭ ەڭبەك سىڭىرگەن ءارتىسى, ۆيولونچەليست بوريس اندريانوۆ بار.
- بيىل الەمدىك مادەني قاۋىمداستىق كومپوزيتوردىڭ 180 جىلدىق مەرەيتويىن اتاپ وتۋدە. ءبىز ءوزىمىزدىڭ تاماشا ارىپتەستەرىمىزبەن بۇل وقيعادان شەت قالعان جوقپىز. اتالعان كونتسەرتتە مەن پ.ي.چايكوۆسكيدىڭ ءتۇرلى شىعارماشىلىق كەزەڭىندەگى ون رومانسىن ورىندايمىن. ولاردى سيپاتى مەن مازمۇنى جاعىنان جاقىن بولۋىنا قاراي تاڭداپ الدىق. كورەرمەندەر اۋديتورياسىنا بارشانىڭ سۇيىكتى «راستۆوريل يا وكنو», «تو بىلو راننەيۋ ۆەسنوي», «بلاگوسلوۆليايۋ ۆاس, لەسا», «نام زۆەزدى كروتكيە سيالي» سىندى رومانستارى ۇسىنىلادى. چايكوۆسكيدىڭ جۇزدەن استام رومانس شىعارعان, ال مەنىڭ رەپەرتۋارىمدا قىرىققا جۋىعى بار, دەگەنمەن بولاشاقتا بارلىعىن دا ورىنداۋعا نيەتتىمىن. ونىڭ رومانستارىن ورىندايتىن انشىلەر بىرەڭ-ساراڭ ەكەندىگىن اتاپ وتكەن ءجون. جاقىندا عانا چايكوۆسكيگە ارنالعان دەرەكتى فيلم كوردىم, ودان الەمدە ءاربىر ءۇش مينۋت سايىن ونىڭ مۋزىكاسى, سونىمەن بىرگە موتسارتتىڭ مۋزىكاسى شىرقالاتىنىن ءبىلدىم. «استانا وپەرا» تەاترىندا ءاربىر كلاسسيكالىق كونتسەرتتىڭ باعدارلاماسىندا پ.ي.چايكوۆسكي وپەرالارىنان اريالاردى, رومانستاردى كەزدەستىرۋگە بولادى, - دەپ اتاپ ءوتتى ازامات جىلتىركوزوۆ.
كونتسەرتتىك باعدارلامالاردان بولەك, تەاتر رەپەرتۋارى 2019 جىلى پ.چايكوۆسكيدىڭ اڭىزعا اينالعان «ەۆگەني ونەگين» وپەراسىمەن تولىققان بولاتىن. سونداي-اق ۇلى كومپوزيتوردىڭ شىعارماشىلىعى الداعى ۋاقىتتا ەلوردالىق تەاتردا بىرقاتار تانىمال بالەتتەر ارقىلى ۇسىنىلادى دەپ جوسپارلانۋدا. رومانستاردان باسقا, كارانتين جاعدايىندا مۋزىكانتتار چايكوۆسكيدىڭ تاماشا اسپاپتىق تۋىندىلارىن ۇسىنادى. ولاردىڭ بارلىعى ادامزات بالاسىنا ءتوزىم, ماحاببات, كەلىسىم مەن بەيبىتشىلىك, سونداي-اق ونەرگە دەگەن ماحابباتتىڭ وشپەۋىن تىلەيدى.
- ەڭ الدىمەن ارامىزدا مىقتى دوستىق قارىم-قاتىناس ورناعان اتاقتى «استانا وپەرا» تەاترىنىڭ اكىمشىلىگىنە العىس ايتقىم كەلەدى. ەكى ەل اراسىنداعى مادەني بايلانىستار ۇزاق جىلدار بويىنداعى بەرىك ءارى وتە تابىستى نەگىزگە يە. ەندەشە, ەشقانداي قيىندىقتارعا قاراماستان, وسى بايلانىستار ارى قاراي دامي بەرەتىندەي بىرگە ارەكەت ەتەيىك, - دەدى رەسەي فەدەراتسياسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى الەكسەي بوروداۆكين.
سونىمەن قاتار ونىڭ ايتۋىنشا, قازىرگى تاڭدا رەسەي, قازاقستان جانە باسقا دا ەلدەردىڭ جازۋشىلارى, اقىندارى, ارتىستەرى, مۋزىكانتتارى ءوز ونەرلەرىن ورتاق جاۋىمىز – پاندەمياعا قارسى كۇرەسۋگە بەلسەندى باعىتتاپ جاتقاندىعىن كورۋگە بولادى. «چايكوۆسكي. Online» جوباسى – سونىڭ جارقىن كۋاسى. – قازاقستاندا ۇلى ورىس كومپوزيتورىنىڭ 180 جىلدىعىن اتاپ ءوتۋ تۋرالى رەسەي ەلشىلىگى مەن رەسەي ىنتىماقتاستىعى وكىلدىگىنىڭ باستاماسىن قوس ەلدىڭ ۇزدىك شىعارماشىلىق كۇشتەرىنىڭ قولداۋى قۋانتادى, - دەپ قورىتىندىلادى الەكسەي بوروداۆكين.
قازاقستانداعى «چايكوۆسكي. Online» كونتسەرتىن 7 مامىر كۇنى ساعات 20:00-دە «استانا وپەرانىڭ» YouTube كانالىنان تاماشالاۋعا بولادى.
