مەملەكەت تاراپىنان شاعىن جانە ورتا كاسىپكەرلىكتى قولداۋ ماقساتىندا شارالار ۇيىمداستىرىلىپ جاتقانىنان حاباردارمىز. بۇل تۋرالى جۋىردا پرەزيدەنت ق.توقاەۆتىڭ «Egemen Qazaqstan» گازەتىندە جاريالانعان سۇحباتىندا جان-جاقتى ايتىلىپتى. دەگەنمەن جاسالعان جەڭىلدىكتەردەن كەيبىر سالالار تىس قالۋدا. مىسالى, بىلىكتىلىكتى ارتتىرۋ ورتالىقتارى سول قاتاردا. جەڭىلدىكتەر مەن كومەكتەر بارلىعىنا بىردەي ورتاق جۇزەگە اسىرىلسا دەگەن ۇسىنىسىمىز بار.
مينيسترلىكتەر بارلىعىنا بىردەي كوزقاراسپەن قاراپ قولداۋ بىلدىرسە, سونىڭ ءوزى كاسىپكەرلەر ءۇشىن زور كومەك بولار ەدى. مەن مەملەكەتتىك ساتىپ الۋلار تۋرالى نەمەسە قارجىلاندىرۋ تۋرالى ايتىپ وتىرعان جوقپىن. كەيبىر كومپانيالارعا مەملەكەتتىڭ قارجىسى ەمەس, «جارايسىڭ, وسى باعىتتان تايما!» دەگەن قولداۋى ماڭىزدى. ەلىمىزدە كاسىپكەرلەر كوبەيسە, جاڭا جۇمىس ورىندارىنىڭ اشىلۋىنا ىقپال جاسايدى.
ءبىزدىڭ مەكەمەمىز ونلاين ءبىلىم سالاسىندا قىزمەتتەر كورسەتەدى. ونلاينعا دەگەن كوزقاراس وسىعان دەيىن دۇرىس بولماعان. بىراق زامان تالابى ونلاين ءبىلىم بەرۋ مەن قىزمەت كورسەتۋ ەكەنىن ۋاقىت كورسەتىپ وتىر. ونى ەلىمىزدەگى توتەنشە جاعداي بىرنەشە ەسەگە جەدەلدەتىپ جىبەردى.
جاس كاسىپكەرلەردىڭ كوپشىلىگى IT سالاسىندا. Startup جوبالارعا دا كوڭىل بولىنسە, يننوۆاتسيالىق اقىل-وي ەڭبەكتەرى مىڭداعان ادامدى جۇمىسپەن قامتۋعا قاۋقارلى بولار ەدى. بۇگىنگى تاڭدا ەلىمىزدىڭ ەڭ باستى رەسۋرسى شيكىزات ەمەس, ازاماتتاردىڭ اقىل-ويى دەپ بىلەمىن.
بەرىكبول تولەگەن,
«SKILLS ACADEMY» جشس ديرەكتورى
