بولجام بويىنشا, وبلىس ورتالىعىنداعى كاسىپورىنداردىڭ جۇمىسىن جانداندىرۋ ءۇشىن 2019-2023 جىل ارالىعىندا 28,7 ملرد تەڭگە ينۆەستيتسيا جۇمسالۋى ءتيىس. بىلتىر بۇل باعىتتا يگەرىلگەن قارجى 2 ملرد تەڭگەنى قۇرادى. ناتيجەسىندە, جاڭادان 3 ءوندىرىس ورنى ىسكە قوسىلىپ, 2 كاسىپورىننىڭ قۋاتى ارتقان. ال تۇراقتى جۇمىس ورنىن اشۋ كورسەتكىشى 47-گە جەتتى. بيىل ءوندىرىستى وركەندەتۋگە 6,6 ملرد تەڭگە جۇمسالماق. ينۆەستيتسيالىق جوبالاردىڭ اراسىندا بىرنەشە ءىرى ءوندىرىس ورنى بار. ماسەلەن, «جەتىسۋ ماجيكو» اگروكەشەنىنە قاراستى زاۋىت قۇرىلىسىنىڭ ءبىرىنشى كەزەڭى اياقتالدى. جوبانىڭ قۇنى 5,8 ملرد تەڭگە شاماسىندا. العاشقى كەزەڭدە 45 ادامدى تۇراقتى جۇمىسپەن قامتيتىن كاسىپورىن تولىق ىسكە قوسىلعاننان كەيىن 355 جۇمىس ورنىن اشادى. ال كەراميكالىق گرانيت تاقتالارىن شىعاراتىن «الماز كەراميكس» زاۋىتىنىڭ جۇمىسى ءساۋىر ايىندا باستالماق. ينۆەستيتسيالىق جارعىلىق قورى 13,9 ملرد تەڭگەنى قۇرايتىن جوبا 2023 جىلى تولىقتاي اياقتالادى. العاشقى كەزەڭنىڭ وزىندە 100 ادامدى جۇمىسقا قابىلدايتىن كاسىپورىننان تۇبىندە 338 جۇمىسشى ناپاقاسىن تاپپاق. سونداي-اق «تالدىقورعان» يندۋستريالىق اۋماعىندا ىسكە قوسىلاتىن «لۋنيۋان جەتىسۋ» ەت وڭدەۋ زاۋىتى مەن «Green Technology Partners» سەرىكتەستىگىنىڭ قۇرعاق جەم زاۋىتىنا دا جالپى قۇنى 9 ملرد تەڭگە ينۆەستيتسيا جۇمسالعان. بيىل «JLC ءسۇت» زاۋىتىنىڭ قوسالقى تسەحىنىڭ قۇرىلىسى باستالادى, بۇل ءۇشىن قالا اۋماعىنان 6 گەكتار جەر تەلىمى بولىنگەن. ءوندىرىس ىسكە قوسىلعاندا جاڭادان 290 جۇمىس ورنى اشىلۋى ءتيىس.
جاقىندا تالدىقورعانداعى يندۋستريالىق ايماقتا تاۋلىگىنە 500 توننا مايلى داقىل وڭدەيتىن جاڭا زاۋىت ىسكە قوسىلدى. بۇل وندىرىسكە جالپى 5,8 ملرد تەڭگە شاماسىندا ينۆەستيتسيا قۇيىلعان.
«جەتىسۋ-ماجيكو» اگروكەشەنىنىڭ بۇل وندىرىسىنە 4,4 ملرد تەڭگە جۇمسالدى. ءبىرىنشى كەزەڭدە 50 جۇمىس ورنى اشىلدى. الداعى ۋاقىتتا كاسىپورىن تولىق قۋاتىنا قوسىلىپ, زاۋىت ىرگەسى كەڭەيگەن سوڭ 500 ادامعا تۇراقتى كاسىپ تابىلماق. قازىر ىسكە قوسىلعان زاۋىت ىستىقتاي سىعىمداۋ تاسىلىمەن وسىمدىك مايىن شىعارادى. تاۋلىگىنە 500 توننا راپس جانە 400 توننا كۇنباعىس وڭدەيدى, سونىڭ ناتيجەسىندە وسىمدىك مايى مەن جوم وندىرىلەدى. ءوندىرىس شيكىزاتپەن 100 پايىز قامتىلعان, نەمىس وندىرۋشىلەرىنىڭ قۇرال-جابدىقتارى ورناتىلعان, سول ارقىلى الىناتىن ءونىم ساپاسىن جاقسارتۋ ءۇشىن مايلى داقىل تۇقىمدارىن ەكسترۋزيوندى تەحنولوگيامەن وڭدەۋ قولدانىلادى. دايىن ءونىم جەرگىلىكتى نارىققا شىعارىلادى, سونىمەن قاتار تاياۋ بولاشاقتا قىتايعا ەكسپورتتالادى.
– ءبىز ءوز تاراپىمىزدان وبلىستا بىرنەشە يندۋستريالىق ايماق قۇرىپ, ونى قاجەتتى ينفراقۇرىلىممەن قامتاماسىز ەتتىك. جالپى مەملەكەت قولداۋىنىڭ جانە قابىلدانعان شارالار ارقىلى وتكەن جىلى الماتى وبلىسىنىڭ ونەركاسىپ ءونىمىنىڭ جالپى كولەمى 1 ترلن تەڭگەگە جۋىقتادى. جەتىسۋلىقتار ءبىر كىسىدەي جۇمىلىپ, مەملەكەت باسشىسى قاسىم-جومارت توقاەۆتىڭ جۇكتەگەن مىندەتتەرىن ورىنداۋ ماقساتىندا جۇمىس ىستەپ كەلەدى. بۇل جۇمىستار ينۆەستيتسيا تارتۋعا, جاڭا تەحنولوگيامەن جۇمىس ىستەيتىن زاماناۋي ءوندىرىس ورىندارىن اشۋعا, جاڭا جۇمىس ورىندارىن قۇرۋعا باعىتتالعان. تالدىقورعان قالاسىنىڭ اۋماعىنان اشىلىپ وتىرعان زاۋىت – سونىڭ ايقىن ايعاعى. جاقىن ارادا تالدىقورعان قالاسىندا جالپى قۇنى 22,9 ملرد تەڭگە بولاتىن تاعى 3 ءىرى ينۆەستيتسيالىق جوبا جۇزەگە اسپاق. ناتيجەسىندە 528 ادامدى جۇمىسپەن قامتيمىز, – دەيدى وبلىس اكىمى اماندىق باتالوۆ.
الماتى وبلىسى
