وسى جىلدار ارالىعىندا 418 جوبانى ىسكە اسىرۋ ءۇشىن 267,1 ملرد تەڭگە ءبولىندى. جىلۋمەن, سۋمەن جابدىقتاۋ جانە سۋ بۇرۋ جەلىلەرىنىڭ 3 483 شاقىرىمى, 24 قازاندىق, سورعى ستانسالارى, سۋ تازارتۋ قۇرىلىستارى, ورتالىق جىلۋ پۋنكتتەرى سياقتى باسقا دا 88 نىسان سالىندى جانە قايتا جاڭارتىلدى.
وتكەن جىلدىڭ سوڭىنا قاراي جەلىلەردىڭ توزۋى 57%-عا دەيىن تومەندەدى. جانە بۇل باعىتتا قۇرىلىس-مونتاج جۇمىستارى جالعاسۋدا.
2020 جىلى جىلۋ, سۋمەن جابدىقتاۋ جانە سۋ بۇرۋ بويىنشا 6 جوبانى ىسكە اسىرۋ جوسپارلانىپ وتىر. وعان 9,4 ملرد تەڭگە نەسيە قاراجات ءبولۋ كوزدەلگەن.
قازىرگى ۋاقىتتا اتىراۋ جانە قاراعاندى وبلىسى اكىمدىكتەرىمەن نەسيەلىك شارتتار جاسالدى. الداعى مامىر-شىلدە ايلارىندا قارجىلاندىرۋ جوسپارىنا سايكەس باتىس قازاقستان جانە قىزىلوردا اكىمدىكتەرىمەن دە وسىنداي شارت جاساۋ جوسپارلانىپ وتىر.
جالپى العاندا 25 شاقىرىمداي ينجەنەرلىك جەلىلەردى قايتا قۇرۋ جانە سالۋ جوسپارلانعان. ونىڭ ىشىندە 5,5 شاقىرىم جىلۋ جەلىلەرى, 15,8 شاقىرىم سۋمەن جابدىقتاۋ جەلىلەرى جانە 3,7 شاقىرىم سۋ بۇرۋ جەلىلەرى, سونداي-اق ءبىر كارىزدىك تازارتۋ كەشەنىنىڭ قۇرىلىسى بار.
جۇمىستاردى 2021 جىلدىڭ سوڭىنا قاراي اياقتاۋ بەلگىلەنگەن. ناتيجەسىندە, جەلىلەردىڭ توزۋى 55%-عا دەيىن تومەندەۋى ءتيىس.
