«مەن تالانتتى دا تالاپتى جاستارعا سەنىم ارتامىن. سول سەبەپتى «پرەزيدەنتتىك جاستار كادرلىق رەزەرۆىن» قۇرىپ, «جۇزدەن جۇيرىك, مىڭنان تۇلپار» شىققان 300 جاستى ىرىكتەپ الدىق. ولاردىڭ ءبىرازى قىزمەتكە ورنالاستى. ءتيىستى مەملەكەتتىك ورگاندارعا جاستار ساياساتىنا ارنالعان جاڭا كەشەندى باعدارلاما ازىرلەۋدى تاپسىردىم»,-دەدى مەملەكەت باسشىسى.
ول توتەنشە جاعداي كەزىندە ايانباي ەڭبەك ەتىپ جۇرگەن ەرىكتىلەردىڭ جۇمىسىن جوعارى باعالادى.
«وسى جىلدى «ۆولونتەر جىلى» دەپ جاريالادىم. بۇگىندە بۇل باستامانىڭ دەر كەزىندە كوتەرىلگەنىن كورىپ وتىرمىز. قازىرگىدەي توتەنشە جاعدايدا ەرىكتىلەر ايانباي ەڭبەك ەتىپ ءجۇر. كۇردەلى كەزەڭدە بەلسەندىلىك تانىتقان جىگەرلى جاستاردى ۇلگى تۇتۋىمىز كەرەك. جالپى, ءبىر جىل ىشىندە ناقتى جۇمىستار اتقارىلدى. سوندىقتان ەلدىڭ ەڭسەسىن كوتەرەتىن مۇنداي شەشىمدەر الداعى ۋاقىتتا دا قابىلدانا بەرەدى»,- دەپ اتاپ ءوتتى ەل پرەزيدەنتى.
