اقمولا وبلىسى ءىرى اگرارلىق ءوڭىر رەتىندە ەلىمىزدە وندىرىلەتىن جوعارى ساپالى بيدايدىڭ تورتتەن ءبىرىن قامتاماسىز ەتەدى. بيىلعى جىلى 4 ميلليون 700 مىڭ گەكتارعا جەرگىلىكتى سۇرىپتاعى تۇقىم سەبىلدى. مۇنىڭ 4 ميلليون 248 مىڭ گەكتارى بيداي بولسا, 360 مىڭ گەكتارىن ارپا داقىلى الىپ جاتىر.
اۋىل شارۋاشىلىعىن ءارتاراپتاندىرۋ جالعاسىن تابۋدا. وسىلايشا, مايلى داقىلدار كولەمى ۇلعايتىلىپ, 251 مىڭ گەكتارعا جەتتى. سالاداعى باسەكەلەستىكتى ورنىقتىرۋ ۇمتىلىستارىن وسىدان دا كورۋگە بولادى.
اقمولا وبلىسى ءىرى اگرارلىق ءوڭىر رەتىندە ەلىمىزدە وندىرىلەتىن جوعارى ساپالى بيدايدىڭ تورتتەن ءبىرىن قامتاماسىز ەتەدى. بيىلعى جىلى 4 ميلليون 700 مىڭ گەكتارعا جەرگىلىكتى سۇرىپتاعى تۇقىم سەبىلدى. مۇنىڭ 4 ميلليون 248 مىڭ گەكتارى بيداي بولسا, 360 مىڭ گەكتارىن ارپا داقىلى الىپ جاتىر.
اۋىل شارۋاشىلىعىن ءارتاراپتاندىرۋ جالعاسىن تابۋدا. وسىلايشا, مايلى داقىلدار كولەمى ۇلعايتىلىپ, 251 مىڭ گەكتارعا جەتتى. سالاداعى باسەكەلەستىكتى ورنىقتىرۋ ۇمتىلىستارىن وسىدان دا كورۋگە بولادى.جالپى, ەگىستىك القاپتان 5 ميلليون توننادان استام استىق جينالادى دەپ جوسپارلانىپ وتىر. قازىرگى كۇنى ءار گەكتاردان 12 تسەنتنەردەن التىن ءدان باستىرعان ديقاندار قاۋىمى بەرگەن سەرتتە تۇرۋعا سەنىمدى. اسىرەسە, جاز ايلارىنداعى 49 كۇندىك تولاسسىز جاۋىننان كەيىنگى قىزۋ قارقىنعا قول سوعۋعا بولادى. مۇنى مەحانيزاتورلاردىڭ ورتاشا ەڭبەك ونىمدىلىگىن جوسپارداعى 165,4 مىڭ گەكتارعا جەتكىزۋگە تىرىسىپ وتىرعانىنان بايقايمىز.
الاكوڭىل ديقان وراقتى ءبىرشاما كەشىكتىرىپ باستاعانىمەن, 20 قىركۇيەكتەگى اقپار بويىنشا 2276,1 مىڭ گەكتاردىڭ ەگىنىن دەستەگە جىعىپ, 2151,6 مىڭ گەكتارىن باستىردى. بۇل ەگىستىك القاپتىڭ سايكەسىنشە 53,6 جانە 50,6 پايىزىن قۇرايدى. ياعني, جۇمىس بارىسىندا ايتارلىقتاي الشاقتىق جوق. مۇنىڭ ءوزى ناۋقانعا جۇمىلدىرىلعان 9 مىڭ, ونىڭ ىشىندە 979 شەتەلدىك كومباينداردى ءتيىمدى پايدالانىپ جاتقانىن كورسەتەدى. استىقتى تاسىمالداۋعا 4,5 مىڭ جۇك اۆتوكولىگى مەن تراكتور تىركەمەلەرى قاتىستىرىلۋدا.
وبلىستىق اۋىل شارۋاشىلىعى باسقارماسىنىڭ ەگىنشىلىك ءبولىمىنىڭ باسشىسى جۇمابەك ءابۋوۆتىڭ ايتۋىنشا, جارقايىڭ, ەسىل جانە جاقسى اۋداندارىنان باسقا اۋدانداردا اۋىلشارۋاشىلىق داقىلدارىنىڭ ءپىسىپ-جەتىلۋى 13-15 كۇنگە كەشىككەن. ماسەلەن, جوعارىدا اتالعان اۋدانداردا شىلدە-تامىز ايلارىندا وزگە ءوڭىرلەرگە قاراعاندا جاڭبىر 1,5-2 ەسە از جاۋدى. وسىعان بايلانىستى بۇگىنگى كۇنى جارقايىڭ اۋدانى 319,3 مىڭ گەكتاردىڭ (60,4 پايىز), ەسىل اۋدانى 241,5 مىڭ (55,2), جاقسى اۋدانى 175,7 مىڭ گەكتاردىڭ (54,1 پايىز) استىعىن باستىرىپ, كوش باسىندا كەلەدى. وبلىستاعى ەگىستىك القاپتىڭ 32,4 پايىزىن قامتيتىن بۇل اۋدانداردىڭ قىركۇيەكتىڭ سوڭىنا قاراي وراق ناۋقانىن اياقتاۋعا مۇمكىندىكتەرى بار.
ءداننىڭ ءپىسىپ-جەتىلۋىن جىلدامداتۋ ماقساتىندا ورمان-تاۋلى اۋدانداردا ەگىستىكتى گەربيتسيدتەرمەن وڭدەۋ (دەسيكاتسيا) جۇرگىزىلىپ, ەگىندى بولەكتەپ ورۋ اۋقىمى 1 ميلليون گەكتارعا ۇلعايتىلدى. بۇل ساپالىق كورسەتكىشتەردى جاقسارتۋعا ىقپال ەتەتىنى انىق.
وتكەن جىلداردىڭ ءتاجىريبەسى استىق قويمالارىن قامداۋعا ايرىقشا كوڭىل ءبولۋ قاجەتتىگىن كورسەتتى. وبلىستاعى ليتسەنزيالانعان 57 استىق قابىلداۋ كاسىپورىندارى ناۋقانعا جاقسى دايىندىقپەن كىرىستى. ولار 3,8 ميلليون توننا ءدان قابىلداۋ قۋاتىنا يە. سونداي-اق, اۋىلشارۋاشىلىق قۇرىلىمدارىنىڭ قاراۋىندا 1 ميلليون توننا سىيىمدىلىقتاعى قويمالار ازىرلەندى. قىركۇيەكتىڭ 20-سىنداعى دەرەك بويىنشا استىق قابىلداۋ كاسىپورىندارىنا 800 مىڭ توننادان استام قىزىل ءدان جەتكىزىلدى. استىقتىڭ 50 پايىزدان استامى جوعارى ىلعالدىلىقتا ەكەندىگىن ەسكەرسەك, ەلەۆاتورلار مەن استىق قابىلداۋ كاسىپورىندارىنىڭ جۇمىسى ەسەلەنە تۇسەتىنى بەلگىلى. ماماندار بۇل سىناقتان سۇرىنبەيتىنىنە سەنىمدى, تەك اۋا رايى جاقسارا تۇسسە دەگەن تىلەك ۇستىندە.
باقبەرگەن امالبەك,
«ەگەمەن قازاقستان».
اقمولا وبلىسى.
