«داعدارىس جاعدايىندا, كوبىنە, بيۋدجەتتىڭ كىرىسى مەن شىعىسىن رەتتەۋ قاجەتتىلىگى تۋىندايدى. ۇكىمەت داعدارىس كەزەڭىندە بيۋدجەتتى ناقتىلاۋدىڭ ەرەكشە ءتارتىبىن بەكىتتى. كوروناۆيرۋسپەن كۇرەسۋ ءۇشىن قوماقتى قارجى بولىنگەنىن بىلەسىزدەر. ەل ازاماتتارىنا قولداۋ كورسەتۋ, ەكونوميكالىق بەلسەندىلىكتى ارتتىرۋ شارالارى قوسىمشا قارجىنى تالاپ ەتەدى», - دەدى پرەزيدەنت.
قاسىم-جومارت توقاەۆ بيۋدجەت قارجىسىنا قىمبات كولىك پەن جيھاز الىنبايتىنىن اتاپ ءوتتى.
«ەسكەرتە كەتەتىن ءبىر جايت, بيۋدجەت قارجىسىنا قىمبات كولىك پەن جيھاز الىنبايدى. اۋقىمدى جيىندار وتكىزۋگە ارنالعان قاراجات قىسقارتىلدى. كەيبىر ينۆەستيتسيالىق جوبالار كەيىنگە قالدىرىلدى. ۇنەمدەلگەن قاراجات ەكونوميكانىڭ تۇراقتى دامۋىن جانە توتەنشە جاعداي رەجيمىن قامتاماسىز ەتۋگە جۇمسالۋدا. سونداي-اق, حالىقتىڭ تۇرمىس ساپاسىن جاقسارتۋعا باعىتتالعان بىرقاتار جوبالار ىسكە اسىرىلىپ جاتىر»,-دەدى پرەزيدەنت.
