كەشە قازاقستان رەسپۋبليكاسىنىڭ پرەمەر-ءمينيسترى سەرىك احمەتوۆ فرانتسياعا جۇمىس ساپارى بارىسىندا حالىقارالىق كورمەلەر بيۋروسىنىڭ باس حاتشىسى ۆيسەنتە لوسسەرتالەسپەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋدىڭ باستى تاقىرىبى قازاقستان مەن حكب اراسىنداعى ءوزارا بايلانىستار, سول سياقتى استانادا ەكسپو-2017 كورمەسىن وتكىزۋگە دايىندىق بارىسى ماسەلەلەرى بولدى.
كەشە قازاقستان رەسپۋبليكاسىنىڭ پرەمەر-ءمينيسترى سەرىك احمەتوۆ فرانتسياعا جۇمىس ساپارى بارىسىندا حالىقارالىق كورمەلەر بيۋروسىنىڭ باس حاتشىسى ۆيسەنتە لوسسەرتالەسپەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋدىڭ باستى تاقىرىبى قازاقستان مەن حكب اراسىنداعى ءوزارا بايلانىستار, سول سياقتى استانادا ەكسپو-2017 كورمەسىن وتكىزۋگە دايىندىق بارىسى ماسەلەلەرى بولدى.
حالىقارالىق كورمەلەر بيۋروسىمەن قىزمەتتەستىكتىڭ ستراتەگيالىق سيپاتىنا نازار اۋدارا وتىرىپ, ۇكىمەت باسشىسى ەكسپو-2017 كورمەسىن وتكىزۋدىڭ قازاقستان ءۇشىن ماڭىزدىلىعىن اتاپ ءوتتى.
قازاقستان تاراپىنان كورمەگە دايىندىقتى ساپالى جۇرگىزۋ ءۇشىن بارلىق قاجەتتى شارالار قابىلدانۋدا, دەدى س.احمەتوۆ.
پرەمەر-مينيستر ۆ.لوسسەرتالەسكە حكب-عا ۇستىمىزدەگى جىلدىڭ جەلتوقسانىندا ۇسىنىلۋعا ءتيىس تىركەۋ قۇجاتتارىنىڭ دايىندىق ساتىسىندا ەكەندىگىن, سونىمەن بىرگە, كورمەنىڭ ارحيتەكتۋرالىق ەسكيزىنە بايقاۋ وتكىزىلگەنىن حابارلادى.
حالىقارالىق كونكۋرسقا الەمنىڭ ءتۇرلى ەلدەرىنەن 50-دەن استام مامان قاتىستى. بايقاۋ قورىتىندىسى بويىنشا ەكسپو كورمە كەشەنىنىڭ نەگىزىنە اينالاتىن ەسكيز-يدەيا انىقتالاتىن بولادى, دەپ اتاپ كورسەتتى س.احمەتوۆ.
ۆ.لوسسەرتالەس استانادا ەكسپو كورمەسىن وتكىزۋگە دايىندىقتىڭ جوعارى دەڭگەيدە ءجۇرىپ جاتقانىنا نازار اۋدارىپ, وسى ورايداعى مەملەكەت باسشىسىنىڭ ءرولىن ەرەكشە اتاپ كورسەتتى.
مەن تاياۋدا استانادا قازاقستان پرەزيدەنتىمەن كەزدەستىم. سول جولى نۇرسۇلتان نازارباەۆ كورمەگە دايىندىق بارىسىنىڭ ءوزىنىڭ جەكە باقىلاۋىندا بولاتىندىعىن اتاپ ءوتتى, دەدى ۆ.لوسسەرتالەس. سونداي-اق, حكب باس حاتشىسى ءوزىنىڭ وسى باعىتتا 20 جىلدان استام ۋاقىت قىزمەت ىستەپ, تالاي كورمەلەر وتكىزگەنىن, بىراق وسى ۇيىم جۇمىسىنداعى ءوز تاريحىندا ءبىر دە ءبىر ەلدىڭ ءدال وسىلاي تەز, شۇعىل جانە ءتيىمدى جۇمىس ىستەگەندىگىن كورمەگەنىن جەتكىزدى.
كەزدەسۋ قورىتىندىسىندا, ۆ.لوسسەرتالەس قازاقستان تاراپىنا مامانداندىرىلعان كورمەنى وتكىزۋدە تابىستار تىلەدى.
سول سياقتى ساپار بارىسىندا قازاقستان ۇكىمەتىنىڭ باسشىسى س.احمەتوۆ فرانتسيانىڭ ىسكەر توپتارىنىڭ وكىلدەرىمەن كەزدەسەتىن بولادى.
