قازاقستان • 04 مامىر، 2020

«قازاقفيلمنىڭ» مامىر مەرەكەلەرىنە دايىنداعان كادەسى

54 رەت كورسەتىلدى

مامىردىڭ مامىراجاي كۇندەرىمەن بىرگە ەل ءۇشىن ەرەكشە جاعدايدا – كارانتين رەجيمىندە اتالىپ وتەتىن بىرقاتار مەرەكەلەر كەلە جاتىر. ولاردىڭ قاتارىندا  وتان قورعاۋشىلار كۇنى (7 مامىر) مەن ۇلى جەڭىس كۇنى (9 مامىر)  مەرەكەسى دە بار.

وسىعان وراي، مەرەكەلىك دەمالىستاعى ۋاقىتتى ءماندى وتكىزۋ ماقساتىندا «قازاقفيلم» كينوستۋدياسىنىڭ ۇلتتىق تەلەارنالاردىڭ كورەرمەندەرى مەن YouTube قولدانۋشىلارىنا دايىنداعان كادەسى بار. رەسپۋبليكالىق «حابار»، «ەل ارنا»، «Kazakh TV» جانە «كتك» ارنالارى كازاق كينوسىنىڭ كلاسسيكاسىمەن قاتار جاڭا فيلمدەردىڭ كورسەتىلىمىن جاسايدى.

سونداي-اق، مەرەكە كۇندەرى تەلەارنالاردا كورەرمەن قاۋىم حالىقتار دوستىعى، قازاقستاندىق جاۋىنگەرلەردىڭ ەرلىگى مەن ۇلى وتان سوعىسى تۋرالى فيلمدەردى كورە الادى. بۇل كۇندەرى «28 پانفيلوۆشىلار» (رەج: اندرەي شالوپا، كيم درۋجينين، 2016 ج.)، «كومپوزيتور» (رەج: شەرزات ياكۋب، ءسابيت قۇرمانبەكوۆ، ومىرباياندىق دراما، 2019 ج.)، ء«اليا» (رەج: ب. شامشيەۆ، 1985 ج.)، سونىمەن قاتار  «قازاقستاننىڭ تۇركى حالقى» تسيكلىنان ء«تۇستىڭ ءدامى» (رەج: ك. ابەلدينوۆا، 2018 ج.) جانە ء«جىپ» (رەج: ن.سادۋوۆا، 2018 ج.) سىندى باسقا دا قىزىقتى فيلمدەردى تاماشالاۋعا مۇمكىندىك الادى. 

ايتا كەتسەك، جاقىندا «قازاقفيلم» ءوزىنىڭ YouTube-تەگى رەسمي ارناسىندا ۇلى وتان سوعىسى تۋرالى فيلمدەر توپتاماسىن اشىق كورسەتىلىمگە شىعاردى. ەندى « ۇلى جەڭىستىڭ 75 جىلدىعى» پلەيليستىندە ءماجيت بەگالين، ابدوللا قارساقباەۆ، وراز ابىشەۆ، نۇرمۇحان ءجانتورين سىندى كلاسسيكتەرىمىزبەن قاتار تاعى دا باسقا 21 فيلم بار. پلەيليست ءتىزىمى بولاشاقتا تولىقتىرىلىپ وتىرادى.

سونداي-اق، كينوستۋديانىڭ YouTube ارناسىنان «قازاقستان - ءبىزدىڭ ورتاق شاڭىراعىمىز» انيماتسيالىق فيلمدەرىنىڭ توپتاماسى مەن حح عاسىردىڭ وتىزىنشى جىلدارىندا بولعان قازاقستانعا جاپپاي جەر اۋدارعاندار تۋرالى باياندايتىن «جەرۇيىق» (رەج. س.تاۋەكەل، 2011) ءفيلمىن تاماشالاۋعا بولادى.

2020 جىلدىڭ 7 مامىرىندا «قازاقفيلم» كينوستۋدياسىنىڭ YouTube-ارناسىندا رەجيسسەر ساتىبالدى تەكەەۆتىڭ «گەنەرال ەرتاەۆ» دەرەكتى ءفيلمى جانە رەجيسسەر ەگور كونچالوۆسكيدىڭ رەسەيلىك تەلەديدارشىلار مەن قازاقستاندىق كينەماتوگرافيستەر توبىنىڭ الماتىدان اۋعانستانعا دەرەكتى فيلم جاساۋ ماقساتىندا ساياحاتى تۋرالى باياندايتىن «ا-عا ورالۋ» كوركەم ءفيلمى كورسەتىلىمگە شىعادى. سونداي-اق وسى ارنادا رەجيسسەر ءلايلا ارانىشەۆانىڭ «دەسانت» ءفيلمىن كورۋگە بولادى.

8 مامىر كۇنى قازاق كينوسىنىڭ كوريفەيى، كسرو حالىق ءارتيسى ءاسانالى ءاشىموۆتىڭ تۋعان كۇنىنە وراي وتاندىق تەلەارنالاردا ء«اسانالى ءاشىموۆ. سىر تۇنعان ايسبەرگ» («ەل ارنا») جانە «ارۋاق» (Kazakh TV) كوركەم ءفيلمى كورسەتىلەدى. وسى كۇنى «قازاقفيلمنىڭ» YouTube-ارناسىندا قازاق جانە ورىس تىلدەرىندە اكتەردىڭ ءومىرى مەن شىعارماشىلىق جولى تۋرالى «شاراينا – شىندىق شەبەرى» دەرەكتى ءفيلمى شىعادى.

2020 جىلدىڭ 8 مامىر كۇنى ساعات 15:00-دە www.sputniknews.kz  سايتىندا «نۇركەن ءابدىروۆ. ۇلدارىمنىڭ كەنجەسى» دەرەكتى ءفيلمىنىڭ ونلاين-تۇساۋكەسەرى بولادى. اتى اڭىزعا اينالعان ۇشقىشتىڭ ەرلىگى تۋرالى باياندايتىن كينوتۋىندى جاس ۇرپاق ءۇشىن باتىلدىق پەن شابىت كوزى بولىپ تابىلاتىنى ءسوزسىز. 10 مامىر كۇنى ساعات 19:10-دا «ەل ارنا» تەلەارناسىندا دەرەكتى ءفيلمنىڭ تەلەۆيزيالىق پرەمەراسى بولادى.

ۇلى جەڭىس كۇنى – 9 مامىردا ساعات 10:00-دە «قازاقفيلم» كينوستۋدياسىنىڭ رەسمي youtube-ارناسىندا رەجيسسەر اسەت ەرنازاروۆتىڭ «مەن ورالامىن» دەرەكتى كارتيناسىنىڭ ونلاين-تۇساۋكەسەرى وتەدى.

«مەن ورالامىن» دەرەكتى ءفيلمىن 9 مامىر كۇنى «ەل ارنا» تەلەارناسىنان استانا ۋاقىتىمەن ساعات 13:35-تە، سونداي-اق 10 مامىر كۇنى ساعات 00:05-تە كورۋگە بولادى.

 

 

سوڭعى جاڭالىقتار

مۇناي باعاسى 16% تومەندەيدى

ەكونوميكا • بۇگىن، 11:30

بۇگىن اۋا رايى قانداي بولادى؟

اۋا رايى • بۇگىن، 09:33

ەلىمىزدە 49 ادام ىندەت جۇقتىردى

كوروناۆيرۋس • بۇگىن، 09:14

جاڭارعان جۇيە جاۋاپكەرشىلىگى

سايلاۋ • بۇگىن، 08:58

سايىنداعى سۋ داۋى

ايماقتار • بۇگىن، 08:50

توپ جارعان ءۇش عالىم

ءبىلىم • بۇگىن، 08:45

قىرعىزدىڭ وڭىندەي...

ونەر • بۇگىن، 08:35

انا مەن بالا اماندىعى

مەديتسينا • بۇگىن، 08:35

ساياسي الاڭداعى ۇستانىم

سايلاۋ • بۇگىن، 08:25

ۇقساس جاڭالىقتار