نەمەسە قاعازدان, قانتتان, جاپىراقتان عاجايىپ ونەر تۋدىرعان كورشىلەر
ۇيرەنەمىن دەگەن جانعا جەر بەتىندە كاسىپتىڭ ءتۇرى كوپ. ال سول ونەردى جەتىلدىرىپ, ونىڭ حاس شەبەرىنە اينالعان جانداردىڭ تىرلىگىنە ءتانتى ەتكەن ەرەكشە كورمە ءوتتى الماتىدا. شىنداپ كەلگەندە, بۇل كورمەگە كەزدەيسوق تاپ كەلدىك دەسەك تە بولادى. كەلۋشىلەرگە كورسەتىلگەن ونەر تۋىندىلارى كوز الدىمىزدا جاسالىپ جاتتى. ەڭ قىزىعى, بۇل ەكسپوناتتاردى ۇستاپ, تىستەپ, ءتىپتى جەپ قويۋعا دا بولادى. جوقتان بار جاساپ وتىرعان وسى ءىستىڭ مايتالماندارى قىتايدىڭ چۋنتسين دەگەن قالاسىنان كەلىپتى.
نەمەسە قاعازدان, قانتتان, جاپىراقتان عاجايىپ ونەر تۋدىرعان كورشىلەر
ۇيرەنەمىن دەگەن جانعا جەر بەتىندە كاسىپتىڭ ءتۇرى كوپ. ال سول ونەردى جەتىلدىرىپ, ونىڭ حاس شەبەرىنە اينالعان جانداردىڭ تىرلىگىنە ءتانتى ەتكەن ەرەكشە كورمە ءوتتى الماتىدا. شىنداپ كەلگەندە, بۇل كورمەگە كەزدەيسوق تاپ كەلدىك دەسەك تە بولادى. كەلۋشىلەرگە كورسەتىلگەن ونەر تۋىندىلارى كوز الدىمىزدا جاسالىپ جاتتى. ەڭ قىزىعى, بۇل ەكسپوناتتاردى ۇستاپ, تىستەپ, ءتىپتى جەپ قويۋعا دا بولادى. جوقتان بار جاساپ وتىرعان وسى ءىستىڭ مايتالماندارى قىتايدىڭ چۋنتسين دەگەن قالاسىنان كەلىپتى.
ەكى كۇن بويى الماتىلىقتاردى ريزاشىلىق سەزىمىنە بولەگەن كورمە «اتتاناتىن بەكەت: «جاڭا جىبەك جولى» دەپ اتالادى. سونىمەن, چۋنتسين – سينتسزيان – ەۋروپا حالىقارالىق تەمىر جول ءدالىزى بويىمەن كەلە جاتقان مادەني شارا – ەندىگى جىبەك جولى ارقىلى قىتايمەن تانىستىرۋدى مۇرات تۇتادى. ءبىر جاعىنان «قىتايمەن تانىستىرۋ» دەگەن جالپىلاما اتاۋعا يە شارالاردىڭ لەگىن قىتاي حالىق رەسپۋبليكاسىنىڭ شەتەلدەردەگى مەملەكەتتىك كەڭەسىنىڭ كەڭسەسى جۇرگىزىپ جاتقان جايى بار. سوناۋ 1999 جىلدان بەرى مۇنداي كورمەلەر مەن باسقا دا مادەني سالالاردىڭ عاجايىپ مۇرالارىن ارقالاعان بارىس-كەلىستەر فرانتسيا, شۆەيتساريا, اقش, تۇركيا, رەسەي, وڭتۇستىك امەريكا سياقتى كوپتەگەن ەلدەردە كەزەگىمەن جۇزەگە اسىپ كەلەدى. اتقارىلعان شارالار وسى ەلدەردە دە ۇلكەن قوشەمەتكە يە بولىپ, ۇكىمەتتەر, باق وكىلدەرى مەن ءتيىستى ۇيىمدار تاراپىنان جوعارى باعا العان. وسىلايشا, اتالمىش شارا قىتاي مادەنيەتىن الەمگە تانىتاتىن نەگىزگى برەندكە اينالعان.
ايتقانداي, قازاقستان مەن قىتايدى ەۋروپاعا جالعايتىن «چۋنتسين – سينتسزيان –ەۋروپا» تەمىر جول ءدالىزى 2011 جىلى رەسمي تۇردە قوزعالىسقا كىرىسىپ, ونىڭ قۇرىلىسىنا 6 بىردەي مەملەكەت اتسالىسقانىن ايتۋعا بولادى. «ءۇشىنشى ەۋرازيالىق قۇرلىقتىق كوپىر» دەيتىن دە اتاۋى بار بۇل جوبانىڭ ستراتەگيالىق ماڭىزدى جوبا ەكەندىگىن ۇمىتپاۋ كەرەك. چۋنتسيننەن باستاپ قازاقستان, رەسەي, بەلورۋسسيانى باسىپ ءوتىپ, پولشا ارقىلى نەمىستەردىڭ ديۋسسەلدورف قالاسىنا جەتىپ جىعىلاتىن تەمىر جولدى جولاۋشىلارى 11 179 شاقىرىمدى ارتقا تاستاپ 16 تاۋلىكتە ءجۇرىپ وتەدى. ال بۇل تەڭىز كولىگىنە قاراعاندا 30 كۇنگە جىلدام ءارى بەس ەسە ارزان.
ال ەندى وسى تەمىر جول الىپ كەلگەن عاجايىپ كورمەگە ورالساق, كوزىمىز ينەدەي قىلقالاممەن باسىن كوتەرمەي جاپىراققا سۋرەت سالىپ جاتقان چۋنتسيندىك چجوۋ مينچۋن اتتى قىتاي ازاماتىنا ءتۇستى. ونىڭ قولىنداعى جاپىراق ءمارلى سياقتى اپپاق ءارى ارعى جاعىنان كۇن كورىنەدى. بىزدىڭشە, فيكۋستىڭ جاپىراعى سياقتى, وعان سۋرەت سالاتىن قىلقالام شەبەرى الدىمەن اسا ساپالى جاپىراقتى ارنايى ەرىتىندىگە سالىپ, ىلعالى مەن جۇمساعىن كەتىرىپ, تەك تىندەرى قالعانشا وڭدەيدى. وزدەرى بىلەتىن ادىسپەن ونى تاعى
دا ماتاداي جۇمساق ەتىپ, وعان قالاعان بەينەنى ارناۋلى بوياۋلارمەن ورنەكتەي باستايدى. بۇل دا ونەردىڭ جاڭا ءتۇرى. الاقانداي جاپىراقتا عاجايىپ تاۋىس قۇسى مەن قىتاي پانداسىنان باستاپ ۇلى قىتاي قورعانىنا دەيىن بەينەلەنگەن. ءدال وسى كەرەمەت, قايتالانباس تۋىندىلارى ءۇشىن چجوۋ مينچۋن وتاندىق قىلقالام شەبەرلەرىنىڭ بايقاۋلارىندا كوزگە ءتۇسىپ, ديزاينەرلىك دارىنى ءۇشىن ماراپاتتالىپ كەلەدى.
سول سياقتى, كادىمگى قاعازدى قايشىمەن قيدالاپ وتىرىپ-اق, قولىڭىزعا تاماشا ورنەكتى, ءبۇتىن ءبىر تاقىرىپتى ۇستاتا سالاتىن يانلين حانىمنىڭ شەبەرلىگىنە رياسىز قوشەمەت كورسەتە باستايسىڭ. ءوز ەلى ياني دەپ ەركەلەتەتىن حان ۇلتىنىڭ سۇلۋى ويۋ سالۋ ونەرىن ءتۇپسىز مەڭگەرگەنى سونشالىق, ەشكىمنىڭ قيالىنا كىرمەگەن دۇنيەلەردى قاعازدان ويىپ بەرەدى. مۇنداي ونەردى اۋلەتىنەن مۇراعا العان ءياسليننىڭ تۋىندىلارى «ءيانيدىڭ قاعاز قيىندىلارى» دەگەن ساۋدا بەلگىسىنە يە, ءوزىنىڭ ستۋدياسى بار شەبەر چۋنتسيندە شاكىرتتەرىن وسى ونەرگە باۋلىپ قانا قويماي, قىتايدى قولىنىڭ ەپتىلىگىمەن الەمگە ناسيحاتتاپ جۇرگەن ىسمەر ەكەن.
قىتايدىڭ تانىمال كەستەشىسى حۋايمين بيكەشتىڭ ايلاپ, جىلداپ تىككەن كەستەلەرىن تاماشالاي وتىرىپ, كادىمگى يل
