«اكەمنىڭ بالا كەزىنەن تاعدىرى قيىن بولدى. ەرتە جاستان جەتىم قالدى. بالالار ۇيىندە, كەيىنىرەك ينتەرناتتا تاربيەلەندى. كوپ ۋاقىت وتپەي سوعىس باستالدى. سوعىس ول ءۇشىن تاعى دا باتىلدىق پەن توزىمدىلىكتىڭ سىناعى بولدى دەپ ايتۋعا بولادى. ول سوعىستا كوپ قيىندىقتى باسىنان وتكەردى. ايتسە دە قورقىنىش پەن قايعى-قاسىرەتتى جەڭە ءبىلدى», - دەدى قاسىم-جومارت توقاەۆ.
ونىڭ ايتۋىنشا, اكەسى باسقا مايدانگەرلەر سياقتى سوعىس تۋرالى, ءوزىنىڭ ەرلىگى مەن ماراپاتتارى تۋرالى ايتۋدى ۇناتپاعان.
«اكەم جاۋمەن العاش بەتپە-بەت كەلۋى, جاۋىنگەرلەردىڭ ەرلىگى, باتىرلىعى جانە جەڭىسپەن ۇيگە ورالۋى جايلى ءوزىنىڭ «سولدات سوعىسقا كەتتى» اتتى ومىرباياندىق كىتابىندا جازعان», - دەدى پرەزيدەنت.
