كوپجىلدىق كليماتتىق مالىمەتتەر بويىنشا مامىر ايىنىڭ ءبىرىنشى جارتىسىندا قازاقستاننىڭ وڭتۇستىك جارتىسىندا, ال ايدىڭ سوڭىنا قاراي سولتۇستىك جارتىسىندا ۇسىك توقتاتىلادى. وسى جىلدىڭ مامىر ايىندا تۇنگى ساعاتتاردا ەلىمىزدىڭ سولتۇستىك-شىعىس ءوڭىرى مەن وڭتۇستىك-شىعىستىڭ تاۋلى جانە تاۋ بوكتەرى ايماقتارىندا اۋا تەمپەراتارۋسىنىڭ ۇسىككە دەيىن تومەندەۋى ىقتيمال.
ايدىڭ ەڭ باسىندا اۋا رايىن ورتالىق ازيا ايماعىنان جىلى اۋا ماسسالارى انىقتايتىن بولادى, بىراق فرونتالدى بولىكتەردىڭ وتۋىمەن رەسپۋبليكانىڭ كەي جەرلەرىندە نايزاعايمەن وتكىنشى جاڭبىر, ەلىمىزدىڭ وڭتۇستىك جانە وڭتۇستىك-شىعىس جارتىسىنىڭ كەي جەرلەرىندە كۇشى 15-25 م/س دەيىن ەكپىندى جەلمەن قاتتى جاڭبىر جانە بۇرشاق ءتۇسۋى مۇمكىن. قر باسىم بولىگىندە اۋا تەمپەراتۋراسى كۇندىز +18+25°س, سولتۇستىك-باتىستىڭ كەي جەرلەرىندە +15°س, وڭتۇستىك-باتىستا جانە وڭتۇستىكتە +25+30°س قۇرايدى.
2020 جىلدىڭ 3-5 مامىر ارالىعىندا كارسك تەڭىزى ايماعىنان سۋىق انتيتسيكلوننىڭ كىرۋىمەن جانە فرونتالدى بولىكتەردىڭ ورشۋىمەن ەلىمىزدىڭ سولتۇستىك-شىعىسىندا ارتى قارعا ۇلاساتىن جاڭبىر, جەلدىڭ ەكپىنى 15-20 م/س كۇشەيۋى كۇتىلەدى.
اۋا تەمپەراتۋراسى: قر سولتۇستىگىندە, شىعىسىندا جانە ورتالىعىندا تۇندە -3+5°س دەيىن, كۇندىز +7+12°س دەيىن تومەندەيدى;
وڭتۇستىك-شىعىسىندا تۇندە +2+10°س دەيىن, كۇندىز +15+23°س دەيىن تومەندەيدى;
ەلىمىزدىڭ وڭتۇستىك-باتىسى جارتىسىندا يران ايماعىنان جىلى اۋا ماسسالارىنىڭ شىعۋىنان اۋا تەمپەراتۋراسىنىڭ +25+33°C دەيىن جوعارىلاۋىنا الىپ كەلەدى.
ءبىرىنشى ونكۇندىكتىڭ ەكىنشى جارتىسىندا وڭتۇستىك-باتىس جارتىسىنان جىلۋدىڭ رەسپۋبليكانىڭ قالعان ايماقتارىنا ىعىسۋىنا قاراي قر باسىم بولىگىندە جاۋىن-شاشىننىڭ توقتاتىلۋى جانە تەمپەراتۋرالىق فوننىڭ جوعارىلاۋى كۇتىلەدى.
سونداي-اق ەكىنشى جانە ءۇشىنشى ونكۇندىكتەردە تۇراقسىز اۋا رايى: ەكپىندى جەلمەن جانە نايزاعايمەن جاڭبىر, بۇرشاقتىڭ ءتۇسۋى مۇمكىن. كەزەكتى سۋىق تولقىنىندا اۋا تەمپەراتۋراسىنىڭ تومەندەۋى:
سولتۇستىك, شىعىس جانە ورتالىق ايماقتارىندا تۇندە -3+5°C دەيىن, كۇندىز +10+15°C دەيىن;
قر باتىس جانە وڭتۇستىك باتىس جارتىسىندا تۇندە +5+13°C دەيىن, كۇندىز +13+21°C كۇتىلەدى.
الايدا, ەكىنشى جانە ءۇشىنشى ونكۇندىكتەردە جوعارى تەمپەراتۋرا كۇندەرى باسىم بولادى دەپ كۇتىلۋدە: رەسپۋبليكانىڭ سولتۇستىك جارتىسىندا كۇندىز اۋا +20+28°C دەيىن; وڭتۇستىكتە +25+33°C دەيىن قىزادى.
