تاياۋدا قورشاعان ورتانى قورعاۋ ءمينيسترى نۇرلان قاپپاروۆ س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ستۋدەنتتەرىمەن بىرگە ەسىل وزەنىنە مايبالىق بالىق تالىمباعىندا ءوسىرىلگەن 20 مىڭ شاباق جىبەرۋ اكتسياسىنا قاتىستى.
تاياۋدا قورشاعان ورتانى قورعاۋ ءمينيسترى نۇرلان قاپپاروۆ س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ستۋدەنتتەرىمەن بىرگە ەسىل وزەنىنە مايبالىق بالىق تالىمباعىندا ءوسىرىلگەن 20 مىڭ شاباق جىبەرۋ اكتسياسىنا قاتىستى.
بۇل شارا تمد ەلدەرىندە ەكولوگيالىق مادەنيەت جانە قورشاعان ورتانى قورعاۋ جىلى شەڭبەرىندە وتكىزىلدى.
بيىلعى جىلى بالىق رەسۋرستارىن جانە باسقا دا سۋ جانۋارلارىن ساقتاۋ جانە ۇدايى ءوندىرۋ ءجونىندەگى بيۋدجەتتىك باعدارلاما اياسىندا اقمولا وبلىسىنىڭ نەگىزگى سۋ كوزدەرىنە – نۇرا جانە ەسىل وزەندەرىنە, ۆياچەسلاۆ سۋ قويماسىنا مايبالىق بالىق تالىمباعىندا وسىرىلگەن تۇقى (كارپ) بالىعىنىڭ 41 ملن. شاباعى جىبەرىلدى.
ەلىمىزدىڭ سۋ كوزدەرىن بالىقتاندىرۋ جۇمىستارىن قورشاعان ورتانى قورعاۋ مينيسترلىگىنىڭ بالىق شارۋاشىلىعى كوميتەتىنە قاراستى ۇدايى ءوندىرىس جۇيەسىنىڭ 7 كاسىپورنى جۇرگىزىپ كەلەدى.
بيىل بالىقتىڭ بەكىرە, سيگ, تۇقى تۇقىمداس, سونداي-اق, ءدوڭماڭداي جانە اق امۋر سىندى وسىمدىكپەن قورەكتەنەتىن قۇندى سۋ كوزدەرىن بالىقتاندىرۋعا بەرىلگەن مەملەكەتتىك تاپسىرىستىڭ جالپى كولەمى 158 ميلليوننان استام دانانى قۇرادى.
«ەگەمەن-اقپارات».
