ەندى ءبىر ساعاتتان كەيىن گرەكتىڭ سالونيكي قالاسىندا قاراعاندىنىڭ «شاحتەر» فۋتبول كلۋبى ەۋروپا ليگاسى توپتىق كەزەڭىندەگى ءبىرىنشى ويىنىن جەرگىلىكتى پاوك كومانداسىنا قارسى باستايدى. كەنشىلەر كومانداسىنىڭ باس جاتتىقتىرۋشىسى دا الاڭعا شىعاتىن ويىنشىلارىن اتادى. بۇل تۋرالى Vesti.kz ءتىلشىسى حابارلادى.
ماتچ استانا ۋاقىتىمەن 01:05 ساعاتتا باستالادى. پاوك كەزدەسۋدىڭ ستارتتىق قۇرامىن بىلايشا بەلگىلەپ وتىر: حاكوبو, تساۆەللاس, ميگەل ۆيكتور, تسيوليس, ستوح, لازەر, كاتسۋرانيس, كيتسيۋ, نينيس, لۋكاس, اتاناسياديس.
ال «شاحتەردىڭ» باس باپكەرى ۆيكتور كۋمىكوۆ مىنا قۇرامدى ۇسىندى: موكين, پورىۆاەۆ, تاراسوۆ, دجيديچ, مالىي, سيمچەۆيچ, ۆيچيۋس, كازاريان, كانياس, فينونچەنكو, حيجنيچەنكو.
قازاقستاندىق بايىرعى جانكۇيەرلەرگە سالونيكي قالاسىنىڭ اتى جاقسى تانىس شىعار دەپ ويلايمىز. بۇل قالادا 1977 جىلى كسرو قۇراماسى گرەكيا كومانداسىمەن الەم چەمپيوناتىنىڭ ىرىكتەۋ ماتچىنا شىققاندا, ونىڭ قۇرامىندا «قايراتتىڭ» ورتالىق قورعاۋشىسى سەيىلدا بايشاقوۆ تا بولىپ ەدى. ەندى ءبىر كۇننەن كەيىن سەمەي قالاسىندا قازاقستان فۋتبولىنىڭ 100 جىلدىعى اتالىپ وتكەلى تۇرعاندا, بۇل دەرەككە دە نازار اۋدارا كەتكەننىڭ ارتىقتىعى بولماس.
دامير قوجامقۇل.
