وبلىستىق بيۋدجەت ەسەبىنەن قارجىلاندىرىلعان 26 وكپەنى جاساندى جەلدەتۋ اپپاراتتارى ەڭ الدىمەن جەتىساي, ورداباسى, كەنتاۋ, وتىرار, سارىاعاش, سايرام, تۇلكىباس اۋداندىق ورتالىق اۋرۋحانالارى مەن تۇركىستان قالالىق ورتالىق جانە بالالار اۋرۋحاناسىنا جەتكىزىلمەك. اتالعان قوندىرعىلارعا وبلىستىق قوعامدىق دەنساۋلىق باسقارماسى وتكەن جىلدىڭ جەلتوقسان ايىندا تاپسىرىس بەرگەن. سول ۋاقىتتا بەلگىلەنگەن باعامەن ارقايسىسى 16 ميلليون تەڭگەگە ساتىپ الىنعان. وبلىس اكىمى ومىرزاق شوكەەۆ ىندەتتىڭ تارالماۋىن ماقسات ەتەتىن ءىس-شارالاردىڭ قاتاڭ باقىلاۋدا ەكەنىن, اپپاراتتاردى الىپ كەلۋگە جەتكىزۋشى كومپانيا قولداۋ كورسەتكەنىن ايتىپ ءوتتى. اپپاراتتار بالالارعا دا, ەرەسەكتەرگە دە ارنالعان.
ازىرگە وبلىس اۋماعىندا ءوجج اپپاراتىنا تاۋەلدى اۋىر حالدەگى ناۋقاستار جوق. سوڭعى ۇلگىدە جابدىقتالعان اپپاراتتار ءبىر مەزەتتە قان قىسىمىن كورسەتىپ, جۇرەك سوعىسى مەن كارديوگرامماسىن ەكراندا بىردەن كورسەتىپ تۇرادى. ولاردى وڭىردەگى اۋرۋحانالاردىڭ ءبىرىنشى باسشىلارى مەن جانساقتاۋ ءبولىمىنىڭ دارىگەرلەرى, ينجەنەر-ماماندارى تەكسەرىپ, قابىلداپ الۋدا.
تۇركىستان وبلىسى
