وسىدان ءبىر جىل بۇرىن وتاعاسىنان ايىرىلعان بەگايىم كيىكباەۆانىڭ قۋانىشىندا شەك جوق. اۋىلداعى ەسكى ءۇيدى پانالاپ وتىرعان وتباسى قايىرىمدىلىق قوردىڭ ارقاسىندا 5 بولمەلى ۇيگە قول جەتكىزدى.
«ورازانىڭ 30 كۇنىندە 30 ءۇيدى تابىستاۋدى نيەت ەتكەن قايىرىمدىلىق قور نازارىنان كەلەس اۋدانى تىسقارى قالمادى. قۇرىلعانىنا 2 جىلدىڭ ءجۇزى بولعان قايىرىمدىلىق قوردىڭ شاپاعاتىن كورگەندەر كوپ. ەلىمىز بويىنشا بۇگىن 186-شى ءۇيدىڭ كىلتىن تابىستادىق», - دەيدى قور مۇشەلەرى.
ال شاردارا اۋدانى قىزىل قۇم اۋىلدىق وكرۋگىندەگى ورتا مەكتەپتى 20 جىل بۇرىن تامامداعان تۇلەكتەر قايىرىمدى ءىس جاساپ, اۋىلداستارىن قۋانتتى. بۇگىنگى جاعدايدى ەسكەرىپ, مامىر ايىنا جوسپارلاعان 20 جىلدىق كەشتەن باس تارتۋدى ءجون ساناعان تۇلەكتەر وعان جۇمسالار قاراجاتتى جيناپ, مۇقتاجدارعا جاردەمدەستى. وتاعاسىنان ايرىلىپ, اسىراۋشىسىز قالعان الىبەكوۆتەر وتباسىنىڭ ءۇيىن جوندەپ, ەسىك-تەرەزەسىن جاڭارتىپ, اۋلاسىنان قۇدىق قازدى. مۇگەدەك بالاسىمەن بىرگە تۇراتىن زاعيپ انا اۋىلداستارىنىڭ قايىرىمدى ىسىنە العىس ايتىپ, باتاسىن بەردى. سونداي-اق, تۇلەكتەر الەۋمەتتىك-تۇرمىستىق جاعدايى تومەن 15 وتباسىنا ازىق-ت ۇلىك تاراتتى. ساۋاپتى ىسكە ولار ميلليون تەڭگەدەي قاراجات جۇمساعان.
تۇركىستان وبلىسى
