2013 جىلعى 22 شىلدە استانا قالاسى
ارنايى كوميسسيا تۋرالى ۇلگىلىك ەرەجەنى بەكىتۋ تۋرالى
2013 جىلعى 22 شىلدە استانا قالاسى
ارنايى كوميسسيا تۋرالى ۇلگىلىك ەرەجەنى بەكىتۋ تۋرالى
«الەۋمەتتىك كومەك كورسەتۋ, مولشەرلەرىن بەلگىلەۋ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋدىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 21 مامىرداعى № 504 قاۋلىسىنا سايكەس بۇيىرامىن:
1. قوسا بەرىلىپ وتىرعان ارنايى كوميسسيا تۋرالى ۇلگىلىك ەرەجە بەكىتىلسىن.
2. الەۋمەتتىك كومەك دەپارتامەنتى (ا.و.تابەرگەنوۆا):
1) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە رەسمي جاريالانۋىن;
2) وسى بۇيرىقتى وبلىستىق, استانا جانە الماتى قالالارىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ نازارىنا جەتكىزۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ە.ق. ەگەمبەردىگە جۇكتەلسىن.
4. وسى بۇيرىق العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ت. دۇيسەنوۆا.
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2013 جىلعى 22 شىلدەدەگى № 325-ءو-م بۇيرىعىمەن بەكىتىلگەن
ارنايى كوميسسيا تۋرالى ۇلگىلىك ەرەجە
1. جالپى ەرەجەلەر
1. وسى ارنايى كوميسسيا تۋرالى ۇلگىلىك ەرەجە (بۇدان ءارى – ۇلگىلىك ەرەجە) قازاقستان رەسپۋبليكاسى ۇكىمەتىنىڭ 2013 جىلعى 21 مامىرداعى № 504 قاۋلىسىمەن بەكىتىلگەن الەۋمەتتىك كومەك كورسەتۋدىڭ, ونىڭ مولشەرلەرىن بەلگىلەۋدىڭ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋدىڭ ۇلگىلىك قاعيدالارىنا (بۇدان ءارى – ۇلگىلىك قاعيدالار) سايكەس ازىرلەندى جانە ومىرلىك قيىن جاعدايدىڭ تۋىنداۋىنا بايلانىستى الەۋمەتتىك كومەك كورسەتۋگە ۇمىتكەر ادامنىڭ (وتباسىنىڭ) ءوتىنىشىن قاراۋ جونىندەگى ارنايى كوميسسيانىڭ مارتەبەسى مەن وكىلەتتىگىن ايقىندايدى.
2. وسى ۇلگىلىك ەرەجەدە پايدالانىلاتىن نەگىزگى ۇعىمدار:
1) ۋاكىلەتتى ورگان – الەۋمەتتىك كومەك كورسەتۋدى جەرگىلىكتى بيۋدجەت ەسەبىنەن قارجىلاندىرۋدى جۇزەگە اسىراتىن رەسپۋبليكالىق ماڭىزى بار قالانىڭ, استانانىڭ, اۋداننىڭ (وبلىستىق ماڭىزى بار قالانىڭ) قالاداعى اۋداننىڭ جەرگىلىكتى اتقارۋشى ورگان;
2) ارنايى كوميسسيا – (بۇدان ءارى – كوميسسيا) ومىرلىك قيىن جاعدايدىڭ تۋىنداۋىنا بايلانىستى الەۋمەتتىك كومەك كورسەتۋگە ۇمىتكەر ادامنىڭ (وتباسىلاردىڭ) ءوتىنىشىن قاراۋ بويىنشا رەسپۋبليكالىق ماڭىزى بار قالا, استانا, اۋدان (وبلىستىق ماڭىزى بار قالا) اكىمىنىڭ شەشىمىمەن قۇرىلاتىن كوميسسيا.
3. كوميسسيا رەسپۋبليكالىق ماڭىزى بار قالا, استانا, اۋدان (وبلىستىق ماڭىزى بار قالا) قالاداعى اۋدان اۋماعىندا تۇراقتى جۇمىس ىستەيتىن القالى ورگان بولىپ تابىلادى. كوميسسيا ءوز جۇمىسىن اشىقتىق, جاريالىلىق, القالىلىق جانە ادىلدىك قاعيداتتارىندا ۇيىمداستىرادى.
4. كوميسسيا ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, زاڭدارىن, قازاقستان رەسپۋبليكاسى پرەزيدەنتىنىڭ جانە ۇكىمەتىنىڭ اكتىلەرىن, قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن, سونداي-اق وسى ۇلگىلىك ەرەجەنى باسشىلىققا الادى.
5. كوميسسيانىڭ قىزمەتىن باقىلاۋدى رەسپۋبليكالىق ماڭىزى بار قالا, استانا, اۋدان (وبلىستىق ماڭىزى بار قالالار) اكىمىنىڭ الەۋمەتتىك قورعاۋ ماسەلەلەرىنە جەتەكشىلىك ەتەتىن ورىنباسارى جۇزەگە اسىرادى.
2. كوميسسيانىڭ مىندەتتەرى مەن فۋنكتسيالارى
6. كوميسسيانىڭ نەگىزگى مىندەتى ۇلگىلىك قاعيدالاردىڭ 9-تارماعى نەگىزىندە جەرگىلىكتى وكىلدى ورگاندار بەكىتەتىن ازاماتتاردى مۇقتاجدار ساناتىنا جاتقىزۋ ءۇشىن نەگىزدەمەلەر تىزبەسىنە سايكەس ازاماتتاردىڭ الەۋمەتتىك كومەككە مۇقتاجدىعىن جانە ومىرلىك قيىن جاعدايلار تۋىنداعان كەزدە بەرىلەتىن الەۋمەتتىك تولەمدەردىڭ مولشەرىن ايقىنداۋ بولىپ تابىلادى.
7. كوميسسيانىڭ نەگىزگى فۋنكتسياسى ءاربىر جەكەلەگەن جاعدايدا الەۋمەتتىك كومەكتىڭ مولشەرىن كورسەتە وتىرىپ, ۇلگىلىك ەرەجەگە قوسىمشاعا سايكەس نىسان بويىنشا الەۋمەتتىك كومەك كورسەتۋ قاجەتتىگى تۋرالى قورىتىندى شىعارۋ بولىپ تابىلادى.
3. كوميسسيانىڭ قىزمەتىن ۇيىمداستىرۋ
8. كوميسسيا ءوز قىزمەتىن وتەۋسىز نەگىزدە جۇزەگە اسىرادى.
9. كوميسسيانىڭ قۇرامىنا جەرگىلىكتى اتقارۋشى ورگانداردىڭ مۇددەلى قۇرىلىمدىق بولىمشەلەرىنىڭ, ونىڭ ىشىندە ۇيىمداردىڭ جانە ءبىلىم بەرۋ, دەنساۋلىق ساقتاۋ, الەۋمەتتىك قورعاۋ ۋاكىلەتتى ورگاندارىنىڭ وكىلدەرى, قۇقىق قورعاۋ ورگاندارىنىڭ, قوعامدىق بىرلەستىكتەردىڭ قىزمەتكەرلەرى كىرەدى.
كوميسسيا توراعادان, حاتشىدان جانە كوميسسيا مۇشەلەرىنەن تۇرادى. كوميسسيانىڭ جالپى قۇرامى جەتى ادامنان كەم بولماۋعا ءتيىس.
10. رەسپۋبليكا
