سيريادا قازىرگى كۇندەرى ساقتالىپ تۇرعان حيميالىق قارۋدىڭ بارلىق ارسەنالىن تۇگەل جويىپ جىبەرۋگە شاما جەتەدى. بىراق ول كوپ ۋاقىتتى جانە ءبىراز قارجىنى كەرەك ەتەدى. پاريجدەگى ستراتەگيالىق زەرتتەۋلەر قورىنىڭ ساراپشىسى وليۆە لەپيك وسىلاي دەدى.
حيميالىق قارۋدى جويۋعا ۋاقىت كەرەك
سيريادا قازىرگى كۇندەرى ساقتالىپ تۇرعان حيميالىق قارۋدىڭ بارلىق ارسەنالىن تۇگەل جويىپ جىبەرۋگە شاما جەتەدى. بىراق ول كوپ ۋاقىتتى جانە ءبىراز قارجىنى كەرەك ەتەدى. پاريجدەگى ستراتەگيالىق زەرتتەۋلەر قورىنىڭ ساراپشىسى وليۆە لەپيك وسىلاي دەدى.
«رەسەيدىڭ وسىعان بايلانىستى ۇسىنىپ وتىرعان جوسپارىن ابدەن جۇزەگە اسىرۋعا بولادى. الايدا, ول وتە كوپ ۋاقىتتى الىپ كەتەدى. ءبارىن ساراپتاي كەلگەندە, قولدا بار حيميالىق قارۋلاردىڭ ءتىزىمىن جاساپ, ولاردى باقىلاۋعا الۋ مەن ءبىرجولا قۇرتىپ جىبەرۋگە بىرنەشە جىل جۇمسالادى», – دەدى ول. ساراپشى وسىعان وراي كەزىندە ۇلى دەرجاۆالار – رەسەيدىڭ 40 مىڭ توننالىق, اقش-تىڭ 30 مىڭ توننالىق كولەمدەگى حيميالىق قارۋ-جاراقتى جويۋ جونىندەگى باعدارلاماسىن مىسالعا كەلتىردى. «بۇل ەلدەر وزدەرىنىڭ حيميالىق ارسەنالدارىن جويۋدى وتكەن عاسىردىڭ 90-شى جىلدارىندا باستادى. سول ۇدەرىس ءالى جالعاسىپ كەلە جاتىر», – دەگەندى ءبىلدىردى ساراپشى.
ەگيپەتتە قايتادان ەرەۋىل باستالدى
ەگيپەتتىڭ ءتارتىپ ساقشىلارى كەشە ءنىلدىڭ سولتۇستىگىندەگى ارناسى بويىنا ورنالاسقان ءال-ماحاللا قالاسىندا ەرەۋىلگە شىققاندارعا كوزدەن جاس اعىزاتىن گاز قولداندى. ءداستۇرلى جۇما نامازىنان كەيىن ورىن العان بۇل جولعى قاقتىعىسقا «مۇسىلمان باۋىرلار» جاقتاۋشىلارى مەن ۇكىمەتتى قولداۋشى بەلسەندىلەر قاتىستى.
وسى كۇنى سونداي-اق مىسىردىڭ دۋميات جانە الەكساندريا قالالارىندا دا تارتىپسىزدىكتەردىڭ ورىن العانى ايان بولدى. ال ۇلكەن كايردەگى گيزا مەن مادينات-ناسردىڭ يسلاميستەرى جاڭا شەرۋدى باستاپ كەتتى. قاۋىپسىزدىك كۇشتەرى وسىعان وراي تاڭ ازاننان استانانىڭ تاحرير, رامزەس جانە راباا-ەل-ادايا الاڭدارىنا باراتىن جولداردى جاۋىپ تاستادى. جۇما كۇنى ەگيپەتتىڭ ۋاقىتشا پرەزيدەنتى ادلي مانسۋر ەلدە ەكى ايعا كومەندانتتىق ساعات جاريالادى.
لۋكاشەنكوعا بەيبىتشىلىكتىڭ پاروديالىق سىيلىعى
بەلارۋس پرەزيدەنتى الەكساندر لۋكاشەنكو شنوبەلدىڭ پاروديالىق بەيبىتشىلىك سىيلىعىنا لايىقتى دەپ تانىلدى. وعان بۇل تارتۋ-تارالعى «كوپشىلىكتىڭ قول سوعۋىنا تىيىم سالعانى, سونداي-اق بەلورۋس پوليتسياسىنىڭ جالعىز قولدى ادامدى وسىعان وراي قاماۋعا العانى ءۇشىن» تاعايىندالعان.
وتكەن جىلى شنوبەل بەيبىتشىلىك سىيلىعىن رەسەيلىك ينجەنەر يگور پەتروۆ جارىلعىش زاتتاردى الماسقا اينالدىرىپ جىبەرۋ ءادىسىن ويلاپ تاپقانى ءۇشىن العان ەدى. ال 2011 جىلى وعان قالا كوشەلەرىنە دۇرىس قويىلماعان كولىكتەردى برونەترانسپورتەردىڭ كومەگىمەن كۇرەسۋگە كوشكەن ۆيلنيۋس قالاسىنىڭ مەرى ارتۋراس زۋوكاس «قول جەتكىزىپتى». جالپى, شنوبەل بەيبىتشىلىك سىيلىعى دەگەن 1991 جىلى بەلگىلەنگەن ەكەن. ول «الدىمەن جۇرتتى كۇلكىگە شاقىراتىن, سوڭىنان ويلاندىراتىن» عىلىمي جەتىستىكتەر ويلاپ تاپقان ادامدارعا تاپسىرىلادى.
جاۋىنگەرلەر ەسكەرتكىشى زاقىمدالدى
پولشانىڭ لەگنيتسا قالاسىندا قارۋلاس كەڭەس-پولياك اسكەرلەرىنىڭ ەسكەرتكىشتەرى ب ۇلىنشىلىككە ۇشىرادى. بۇل تۋرالى جەرگىلىكتى پوليتسيانىڭ ءباسپاسوز حاتشىسى ماسويچ يتار-تاسس تىلشىسىنە حابارلادى.
«تۇندە الدەكىمدەر ەسكەرتكىشتى ءبۇلدىرىپ كەتىپتى. ونىڭ بەتىندە ەكى قىزىل داق قالىپتى», دەدى ول. «ءبىز قولدان كەلگەنىنشە قاسكويدى تاۋىپ, قاماۋعا الۋعا تىرىسامىز», دەگەندى قوستى پوليتسيا وكىلى. ءماسويچتىڭ سوزىنە قاراعاندا, بۇل وقيعادان بولەك, بىرنەشە مينۋت بۇرىن قالانىڭ ورتالىعىندا «بۇكىلپولياك جاستارى» ۇيىمى مۇشەلەرىنىڭ شەرۋى بولىپ وتكەن ەكەن. وعان قاتىسۋشى جاستار قولدارىنا جالاۋلار مەن ترانسپارانتتار الىپ شىعىپ, رەسەي-پولشا سوعىس ارداگەرلەرىنىڭ كەزدەسۋى مەن قازىرگى لەگنيتسا تۇرعىندارىنىڭ كەڭەس اسكەرلەرىنىڭ بۇل قالادان شىعارىلعانىنا 20 جىل تولۋىن اتاپ وتۋىنە قارسىلىق بىلدىرگەن كورىنەدى.
تورتزورلىقشىولىمجازاسىناكەسىلدى
ءۇندىستان استاناسىندا ستۋدەنت قىزدى زورلاپ, ولتىرگەن ءتورت قانىپەزەر ءولىم جازاسىن الدى. وقيعا وتكەن جىلدىڭ جەلتوقسان ايىندا بولعان ەدى. وسى كۇنى مەديتسينا ينستيتۋتىنىڭ 3-كۋرس ستۋدەنتى دجوتي سينگح توپتىق زورلاۋدىڭ قۇربانىنا اينالعان-تىن.
سوت پروتسەسى بارىسىندا ۆيناي شارما, اكشاي تحاكۋر, پاۆان گۋپتا جانە مۋكەش سينگح ەسىمدى بۇزاقىلار وزدەرىنىڭ قىز زورلاۋ مەن ءول تىرۋگە قاتىستارى بار ەكەندەرىن مويىنداعان. قىلمىسقا بارلىعى 6 ادام قاتىسقان بولىپ شىقتى. ايىپتالۋشىلاردىڭ ءبىرى – رام سينگح وزىنە ءوزى اباقتىدا قول سالدى. ال كامەلەتتىك جاسقا تولماعان التىنشى قاتىسۋشى (ونىڭ اتى-ءجونى جاريالانباي وتىر) بارىنشا جوعارى جازانى – ءۇش جىل تۇزەۋ كولونياسىنا وتىرۋعا كەسىلدى.
ينتەرنەت ماتەريالدارى نەگىزىندە ازىرلەندى.
