اتىراۋ وبلىستىق كەدەندىك باقىلاۋ دەپارتامەنتى قىزمەتكەرلەرى قازاقستان اۋماعىنا شەتەلدىك كولىكتىڭ مۇنايلى وڭىرگە كونتراباندالىق جولمەن اكەلىنگەنىن انىقتادى. اتالعان دەپارتامەنتتىڭ باسپاسوز قىزمەتىنىڭ حابارلاۋىنشا, كەدەنشىلەر جۇرگىزگەن جەدەل-ءىزدەستىرۋ شارالارى ناتيجەسىندە 2008 جىلى جاپونيادان شىعارىلعان «Toyota RAV4» ماركالى اۆتوكولىگىنىڭ جالعان قۇجاتتار ۇسىنۋ ارقىلى ەل اۋماعىنا كىرگىزىلگەنى, ءسويتىپ, اتىراۋ وبلىستىق جول پوليتسيياسى باسقارماسىندا تىركەلگەنى بەلگىلى بولدى. الايدا, تەرگەۋالدى تەكسەرىس جۇرگىزۋ بارىسىندا, بۇل اۆتوكولىكتىڭ بەلارۋس رەسپۋبليكاسىنىڭ جول پوليتسياسى باسقارماسىندا تىركەلمەگەندىگى, سونىمەن بىرگە, اتالعان كولىككە ۇسىنىلعان تەحنيكالىق قۇجاتتىڭ بىردە-ءبىرى اۆتوكولىككە بەرىلمەگەندىگى انىقتالىپ وتىر.
وسى فاكتى بويىنشا قازىر انىقتاۋ جۇمىستارى جۇرگىزىلۋدە.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
