ءوزىنىڭ شيرەك عاسىرلىق عۇمىرىنىڭ – بەس جىلىن قازاقستاندىق تسەنتركرەديت بانكى وڭتۇستىككورەيالىق كۆ Kookmin Bankپەن بەرىك ارىپتەستىك جاعدايىندا وتكىزىپ كەلەدى. ستراتەگيالىق ارىپتەس بتسك اكتسيونەرلەرىنىڭ قۇرامىنا وتە ءبىر كۇردەلى كەزەڭدە كەلدى: بۇل الەمدىك قارجى داعدارىسى «داۋىلىنىڭ» اسقىنىپ تۇرعان كەزى ەدى, ول كەيىننەن جاھاندىق ەكونوميكالىق داعدارىسقا ۇلاستى. ءيا, ۋاقىت وتە كۇردەلى بولاتىن, دەگەنمەن ارىپتەستەر ۇزاق مەرزىمگە ارنالعان بىرلەسكەن جوبالاردى جۇزەگە اسىرۋعا جانە بىرىگىپ جەمىستى جۇمىس ىستەۋگە دايىن ەدى. Kookmin Bank الەمدىك داعدارىستىڭ وتە ءبىر كۇردەلى كەزەڭىنەن ءوتىپ, بتسك قۇرامىنان بەرىك ورىن الىپ قانا قويعان جوق (بۇل تۋرالى كەيبىر «ساراپشىلار» ايتقان بولاتىن), سونىمەن بىرگە, اكتسيونەرلىك كاپيتالعا ءوزىنىڭ قاتىسۋ دارەجەسىن ارتتىردى: 2008 جىلى ساتىپ الىنعان اكتسيالار پاكەتى ەكى جىل وتكەننەن كەيىن بتسك اق اكتسيالارى 30,55 پايىزدان 41,9 پايىزعا دەيىن كوبەيتىلدى.
مەرەيتوي
Kookmin Bank قازاقستاندىق بانك «تسەنتركرەديت بانكىن» ورتالىق ازيا جانە رەسەي اۋماعىنداعى ءوزىنىڭ توتەنشە وكىلى رەتىندە ەسەپتەيدى
ءوزىنىڭ شيرەك عاسىرلىق عۇمىرىنىڭ – بەس جىلىن قازاقستاندىق تسەنتركرەديت بانكى وڭتۇستىككورەيالىق كۆ Kookmin Bankپەن بەرىك ارىپتەستىك جاعدايىندا وتكىزىپ كەلەدى. ستراتەگيالىق ارىپتەس بتسك اكتسيونەرلەرىنىڭ قۇرامىنا وتە ءبىر كۇردەلى كەزەڭدە كەلدى: بۇل الەمدىك قارجى داعدارىسى «داۋىلىنىڭ» اسقىنىپ تۇرعان كەزى ەدى, ول كەيىننەن جاھاندىق ەكونوميكالىق داعدارىسقا ۇلاستى. ءيا, ۋاقىت وتە كۇردەلى بولاتىن, دەگەنمەن ارىپتەستەر ۇزاق مەرزىمگە ارنالعان بىرلەسكەن جوبالاردى جۇزەگە اسىرۋعا جانە بىرىگىپ جەمىستى جۇمىس ىستەۋگە دايىن ەدى. Kookmin Bank الەمدىك داعدارىستىڭ وتە ءبىر كۇردەلى كەزەڭىنەن ءوتىپ, بتسك قۇرامىنان بەرىك ورىن الىپ قانا قويعان جوق (بۇل تۋرالى كەيبىر «ساراپشىلار» ايتقان بولاتىن), سونىمەن بىرگە, اكتسيونەرلىك كاپيتالعا ءوزىنىڭ قاتىسۋ دارەجەسىن ارتتىردى: 2008 جىلى ساتىپ الىنعان اكتسيالار پاكەتى ەكى جىل وتكەننەن كەيىن بتسك اق اكتسيالارى 30,55 پايىزدان 41,9 پايىزعا دەيىن كوبەيتىلدى. جاڭا اكتسيونەرلەردىڭ قولداۋىن بارىنشا سەزىنگەن بتسك داعدارىس كەزەڭىندە جانە داعدارىستان كەيىنگى كەزەڭدە تاۋەكەلدەرگە قارسى تۇرىپ قانا قويعان جوق, سونىمەن بىرگە, ۇلتتىق بانك رەيتينگىلەرىندە بىرنەشە ساتىعا كوتەرىلىپ ۇلگەردى. بۇل رەتتە, بانكتىڭ «قۇندىلىقتاردى بايىتا وتىرىپ» اتتى ۇراندى باسشىلىققا الۋى تەگىن ەمەس. اڭگىمە ءوزارا تەڭ ارىپتەستىك قۇندىلىقتارى, بيزنەس قۇندىلىقتارى, ءداستۇر ساباقتاستىعىنىڭ قۇندىلىقتارى بولىپ وتىر.
بانكتەر باسقا ەلدەرگە مەملەكەتارالىق ساياسي جانە دوستىق قاتىناستار دامىعان كەزدە وزدەرىنىڭ كاسىپكەرلەرىمەن ءجانە كليەنتتەرىمەن جۇمىس ءىستەۋگە قولايلى جاعداي جاسالىپ ءتيىمدى ينۆەستيتسيالىق احۋال قالىپتاسقان كەزدە عانا بارادى. وسى تۇرعىدان كەلگەندە Kookmin ءBankتىڭ بۇل قادامىنىڭ جەتىستىگى جوعارى بولدى: 2010 جىلى ەكى ەلدىڭ ديپلوماتيالىق قاتىناستارىنىڭ قالىپتاسقانىنا 21 جىل تولدى.
– 2012 جىلى قازاقستان جانە كورەي مەملەكەتتەرىنىڭ پرەزيدەنتتەرى رەسمي ساپارلارىمەن الماستى. تەك سوڭعى 5 جىل ىشىندە عانا ەكى ەلدىڭ كوشباسشىلارى 5 كەزدەسۋ ءوتكىزدى. مىنە, ناق وسىنداي جوعارى دارەجەدەگى بەلسەندى ديالوگتار ەكى مەملەكەتتىڭ ءارتۇرلى سالالارىنداعى ەكونوميكالىق بايلانىستىڭ دامۋىنا يگى ىقپال ەتكەندىگى ءسوزسىز, – دەپ اتاپ كورسەتتى كۆ Kookmin Bank باسقارماسىنىڭ توراعاسى لي كون حو.
– سونىمەن بىرگە, كورەيلەردىڭ قازاقستاندى مەكەن ەتكەن 75 جىل ىشىندە كورەي حالقىنىڭ ءۇش بۋىنىنىڭ وكىلدەرى قالىپتاستى. ولار وزدەرىنىڭ سالت-داستۇرلەرىن ساقتاپ قانا قويماي, قازاقستاندىق قوعامعا ۇندەستىكپەن قوسىلدى. كەيبىر رەتتە, قازاقستانداعى كورەيلەر دياسپوراسىن «ءتورتىنشى ءجۇز» دەپ تە اتايدى, ياعني ولار اياعىندا نىق تۇر, جوعارى بەدەلگە يە جانە رەسپۋبليكادا وزدەرىنىڭ لايىقتى ورىندارىن العان.
بۇل ورايدا ەلەۋلى ەكونوميكالىق جاعدايلار دا بار: سوڭعى ەكى ونجىلدىق ىشىندە وڭتۇستىك كورەيانىڭ تىكەلەي ينۆەستيتسياسى 4 ميلليارد دوللاردان استى. 2006 جىلدان بەرى كورەيلىك ينۆەستيتسيالاردىڭ باسىم بولىگى ينفراقۇرىلىم, ءوندىرىس جانە جوعارى تەحنولوگيا سالالارىنىڭ ۇلەسىنە تيەدى. ماسەلەن, قازىرگى كەزدە رەسپۋبليكادا وڭتۇستىككورەيالىق كاپيتالدىڭ قاتىسۋىمەن 800-گە جۋىق بىرلەسكەن كاسىپورىن جۇمىس ىستەيدى. ولاردىڭ قاتارىندا LG International جانە LG Electronics; Samsung; SK Corporation; «ەنتي-سي»; «ريتەكس»; Ssangyong Kia جانە Hyundai اۆتوكولىك كومپانيالارى. بۇلار اۆتوكولىكتەر قۇراستىرۋ زاۋىتتارىن سالدى. Korea Electric Power Corp ۇلتتىق ەنەرگەتيكالىق كومپانياسى ەلەكتر تاراتۋ جەلىلەرىن سالۋعا جانە ەلەكتر ستانسالارىن جاراقتاندىرۋعا كومەكتەسەدى. Dongil Highvill, Hanjin, Sung Won Yurim قازاقستاندا تۇرعىن ءۇي قۇرىلىسىن جۇرگىزەدى. سونىمەن بىرگە, قازاقستاندا «حانحۆا سەكيۋريتيز», «حەندە سەكيۋريتيز», Daewoo Capital كومپانيالارى باعالى قاعازدارمەن بەلسەندى جۇمىس جاساۋدا. كورەي بيزنەسىنىڭ قاتىسۋىمەن ءىرى جوبالار جۇزەگە اسىرىلۋدا. بۇل رەتتە, ADA Oil LLP مۇناي كومپانياسى, Koream National Oil Corporation مەملەكەتتىك وڭتۇستىككورەيالىق كونسورتسيۋمىنىڭ جوبالارىن ەرەكشە اتاپ وتۋگە بولادى. ماسەلەن, كومپانيا «قازمۇنايگاز» ۇك» اق-پەن ارىپتەستىك شەڭبەرىندە كاسپي تەڭىزىنىڭ وڭتۇستىك بولىگىندەگى جامبىل كەن ورنىن يگەرۋدە. بۇل كەنىشتەگى مۇناي قورى ميلليارد باررەل دەپ بولجانۋدا. كورەيلىك جانە قازاقستاندىق كومپانيالاردىڭ كونسورتسيۋمى جالپى قۇنى 4 ميلليارد دوللار بولاتىن مۇناي-حيميا كەشەنىنىڭ قۇرىلىسىن «جاسىل» كومىرمەن جۇمىس ىستەيتىن بالقاش جىلۋ ەلەكتر ستانساسىنىڭ قۇرىلىسىن سالۋدا. سونداي-اق, ءۇيد مەملەكەتتىك باعدارلاماسى شەڭبەرىندە رەسپۋبليكادا جالپى قۇنى 8 ميللياردتان 9 ميلليارد دوللار بولاتىن بىرقاتار جوبالار جۇزەگە اسىرىلۋدا. ءسويتىپ, وڭتۇستىك كورەيا ءوزىنىڭ وزىق تەحنولوگيالارىمەن «قازاقستان-2030» جانە «قازاقستان-2050» ستراتەگيالىق باعدارلامالارىنىڭ الەۋمەتتىك-ەكونوميكالىق سالالارىن دامىتۋعا ولشەۋسىز ۇلەس قوسۋدا.
مىنە, كورەيالىق بيزنەستىڭ رەسپۋبليكاداعى وسىنداي بەلسەندىلىگى, ونىڭ قازاقستان ەكونوميكاسىنداعى الاتىن ورنى كورەيلىك كۆ Kookmin Bank بانكىنىڭ قازاقستاننىڭ قارجى رىنوگىنا كىرۋىنە سەبەپ بولدى. مىنە, ەندى, 5 جىل مەرزىم ءوتكەننەن كەيىن بۇل جوبانىڭ بانك سەكتورىنداعى بىرلەسكەن جوبالار ىشىندەگى ەڭ ەلەۋلى دە تابىستى جوبا بولعاندىعىن اتاپ ايتۋعا بولادى. ءارىپتەستەردىڭ ايتۋىنشا, ءبىرىنشى بەسجىلدىق جەڭىل بولعان جوق, الايدا ونىڭ جەمىسى ماۋەلى بولدى.
– وسى ۋاقىت ىشىندە كۆ Kookmin Bankكە ءارتۇرلى قىزمەت سالاسىنىڭ شەشۋشى وكىلەتتىكتەرى بەرىلدى, – دەپ اتاپ كورسەتەدى كۆ Kookmin Bank باسقارماسىنىڭ توراعاسى لي كون حو. بتسك قۇرامىنا بانك توپ مەنەدجەرلەرى دارەجەسىندەگى بەلسەندى قىزمەتكەرلەر جىبەرىلدى, بانك قىزمەتكەرلەرى ءۇشىن جانە لاۋازىمدى تۇلعالار ءۇشىن وقۋ باعدارلامالارى جۇزەگە اسىرىلدى. ءسويتىپ, Kookmin Bank ەكى بانك اراسىنداعى ارىپتەستىك قاتىناستاردىڭ دامۋى ءۇشىن قولدان كەلگەننىڭ ءبارىن جاسادى. كۆ-مەن ارىپتەستىكتىڭ ارقاسىندا بتسك بۇگىندە – بيزنەستى دامىتۋدىڭ جانە قورجىنداردى ساپالى باسقارۋدىڭ وڭتايلى جۇيەسى جاسالىنعان كليەنتتەردى قورعاۋدىڭ جانە قارجىلىق قاۋىپتەردىڭ الدىن الۋ ماقساتىندا ىشكى كۇشتى باقىلاۋ جۇيەسى بار بانك رەتىندە تانىلدى. قورجىن قۇرىلىمدارىن جاقسارتۋ ماقساتىنداعى شىعىندار قىسقارتىلعان, اكتيۆتەردىڭ, قىزمەت كورسەتۋ سەرۆيستەرىنىڭ, ونىمدەردىڭ ساپاسىن ارتتىرۋ جونىندەگى جۇمىس جۇيەلەنگەن. مىنە, وسىنىڭ ءبارى «بۇگىنگى بتسك-نى» باسقالاردان ەرەكشە دارالاندىرىپ تۇرادى.
ارىپتەستەردىڭ ايتۋىنشا, داعدارىس تولىقتاي اياقتالعان جوق, رىنوك ءالى دە بۇرىنعى اينالىم كولەمىنە جانە بۇرىنعى بەلسەندىلىگىنە جەتكەن جوق. الداعى جۇمىس اۋقىمى ۇلكەن.
– وكىنىشكە قاراي, ازىرگە رىنوك بانكتىڭ قايتا قۇرىلىمىن تولىق دارەجەسىندە باعالاي المايدى, – دەيدى لي كون حو مىرزا. – سونىڭ سالدارىنان ازىرگە بانك ينۆەستورلار ءۇشىن جوعارى ينۆەستيتسيالىق تارتىمدىلىققا يە بولا الماي وتىر. بۇل رەتتە مەنىڭ ايتايىن دەگەنىم, اكتسيالاردىڭ جانە باسقا دا باعالى قاعازداردىڭ قۇنى وسپەي وتىر, قور رىنوكتارىندا بەلسەندىلىك جوق. وعان قوسا, الەمدىك قارجى داعدارىسى دا ءوزىنىڭ سالقىنىن تيگىزدى. سوندىقتان بتسك جانە كۆ اراسىنداعى جەمىستى ىنتىماقتاستىق بايلانىستارعا قاراماستان قورجىندار ساپاسىن ارتتىرۋدا ەلەۋلى ماسەلەلەر بار. دەگەنمەن, قازاقستانداعى بيزنەس ورتاسىنداعى كۇردەلى جاعدايلارعا قاراماستان بتسك كومانداسىندا قالىپتاسقان جىگەرلىلىك پەن توپتاسقاندىق الداعى ۋاقىتتا ءوزىنىڭ جەمىسىن بەرەدى. Kookmin Bank بتسك-نى قولداۋ جولىندا ءوزىنىڭ كۇش-جىگەرى مەن مۇمكىندىكتەرىن ايامايدى. كورەيلىك قارجى ۇيىمىنىڭ بتسك-عا سالعان ينۆەستيتسياسى – كورەي قارجى سەكتورىنىڭ تاريحىنداعى ەڭ ءىرى ينۆەستيتسيا بولىپ تابىلادى. سوندىقتان ءبىز وسىنداي اۋقىمداعى كەلىسىمدەردىڭ تاياۋ ۋاقىتتا ءوز جەمىسىن بەرەتىندىگىنە سەنىمدىمىز. ول ول ما, ءبىز ورتالىق ازيا جانە رە سەي الاڭدارىندا بتسك-نىڭ Kookmin ءBankىن الماستىرۋشى بانك بولاتىندىعىنا سەنىمدىمىز. ءسوزىمنىڭ قورىتىندىسىندا بانكتىڭ بارلىق قىزمەتكەرلەرىن جانە توپ مەنەدجمەنتىن بانك تاريحىنداعى اسا زور تاريحي وقيعا – جيىرما بەس جىلدىق مەرەيتويىمەن قۇتتىقتايمىن.
ءبىزدىڭ انىقتاما
كۆ Kookmin Bank كورەيا رەسپۋبليكاسىنداعى ەڭ ءىرى بانكتەردىڭ ءبىرى بولىپ سانالادى. 2013 جىلدىڭ تامىز ايىنىڭ سوڭىندا حالىقارالىق رەيتينگتىك اگەنتتىك ۇشتىگىنىڭ مالىمەتى بويىنشا ونىڭ رەيتينگى مىنانداي بولدى: Standard & Poor’s – «ا»; Moody’s – «ا1»; Fitch – «ا»;. The Banker (2012 ج. شىلدە) ءمالىمەتىنە قاراساق الەمدەگى 1000 بانك رەيتينگىندە كۆ Kookmin Bank 72-ءشى ورىندى يەلەنەدى. كۆ Kookmin Bank – كورپوراتيۆتىك بيزنەس, شاعىن جانە ورتا بيزنەس پەن جەكە تۇلعالار رىنوگىندا كوشباسشى بولىپ تابىلادى. 2012 جىلدىڭ سوڭىندا بانك اكتيۆى 243 ميلليارد دوللاردى قۇرادى. كليەنتتىك بازا كولەمى 2013 جىلعى ماۋسىمدا 30 ميلليون كليەنتكە تەڭ بولدى. كورەيانىڭ قارجىلىق باقىلاۋ قىزمەتىنىڭ دەرەكتەرىنە سۇيەنسەك, 2012 جىلدىڭ سوڭىندا كۆ Kookmin Bank ءوزىنىڭ سەرىكتەستەرى مەن فيليالدارىنىڭ جۇيەسى ارقىلى الەمنىڭ 10 مەملەكەتىندە بولىمشەلەرى مەن وفيستەرىن اشقان. ونىڭ ىشىندە قازاقستان, ۆەتنام, جاپونيا, قحر بار.
ۆلاديسلاۆ لي: كادر. تاجىريبە. بەدەل – بانكتىڭ قۇنسىزدانبايتىن قىمبات قازىناسى
تسەنتركرەديت بانكى ءوزىنىڭ شيرەك عاسىرلىق مەرەيلى مەرەكەسىن اتاپ وتەدى
ءاربىر كەزەڭنىڭ وزىنە ءتان قايتالانباس ەرەكشەلىكتەرى بولاتىنى بەلگىلى. 1998 جىلى 100 مىڭ كەڭەستىك رۋبلگە 20 «جيگۋلي» اۆتوكولىگىن ساتىپ الۋعا نەمەسە جەكە-مەنشىك بانك قۇرۋعا بولاتىن ەدى. ارينە, ول ءۇشىن ەرەكشە باتىلدىق, شىن تاۋەكەلشىلدىك قاجەت. ءتىپتى, جۇرەگىنىڭ تۇگى بار باتىرلار ءۇشىن دە بۇل بارىنشا تاۋەكەلدى قاجەت ەتەتىن باتىلدىق ەدى. تەمىردەي ءتارتىبى داۋىرلەپ تۇرعان كەڭەس وداعىندا جەكەمەنشىك ۇعىمى قالىپتاسپاعان, ال قانداي دا ءبىر كاسىپكەرلىكپەن اينالىسۋ زاڭ جۇزىندە بىرنەشە قىلمىستىق باپتارمەن جازالاناتىن. مىنە, وسىنداي جاعدايدا تاقىر جەردەن جاي عانا كووپەراتيۆ ەمەس, ءبۇتىن ءبىر جەكەمەنشىك بانك قۇرۋ كوزسىز ەرلىكپەن پارا-پار ەدى. ەكونوميكالىق جانە انتاگونيستىك قاتىناستار تايتالاسقا تۇسكەن, ەكى جۇيە ءبىرىن-ءبىرى مويىنداماي كۇرەسىپ جاتقان كەزدە, قازاق كسر-ىندە العاش رەت الماتى ورتالىق كووپەراتيۆتىك بانكى قۇرىلعان ەدى. بۇل سول ءبىر شيەلەنىستى كەزەڭدە ىرگەتاسى قالانعان بۇگىنگى «تسەنتركرەديت بانكى» اكتسيونەرلىك قوعامى بولاتىن.
وتكەنگە وي جۇگىرتسەك
– تۇبەگەيلى وزگەرىستەر داۋىرلەپ تۇرعان سول ءبىر كەزەڭدە بۇل اسا ءبىر قورقىنىشتى قۇبىلىس بولعان جوق, – دەيدى بانكتىڭ 25 جىلدىق مەرەيتويى قارساڭىنداعى ەكەۋارا اڭگىمەمىزدىڭ كەيىپكەرى, «تسەنتركرەديت بانكى» اق باسقارماسىنىڭ بۇرىنعى توراعاسى ۆلاديسلاۆ لي مەنىڭ قوبالجىعان كوڭىلىمدى باسىپ. – ول كەزدە ەلىمىزدە كاسىپكەرلىك تۋرالى يدەيالار كەڭ قانات جايعان بولاتىن. بۇل ناۋقان 1988 جىلدىڭ كوكتەمىندە قابىلدانعان «كسرو-داعى كووپەراتسيا تۋرالى» زاڭنان كەيىن باستاۋ الدى. بۇل ءوندىرىس سالاسىندا كووپەراتيۆ قۇرۋعا مۇمكىندىك بەرەتىن ءبىرىنشى نارىقتىق زاڭ بولاتىن. سول كەزەڭدە نيكولاي رىجكوۆتىڭ ۇكىمەتى نارىقتى تاۋارلارمەن قامتاماسىز ەتۋ جولىندا ەكونوميكادا بىرقاتار تاجىريبەلەر جاساۋعا كوشكەن ەدى. بۇل زاڭ ءوز كەزەگىندە بۇرىن وداق كولەمىندە زاڭسىز دەپ تانىلعان كاسىپكەرلىك قىزمەتتى زاڭداستىردى. بۇل قۇجاتتا كوپشىلىكتىڭ نازارىنا بىردەن ىلىگە قويمايتىن, 2-3 جولدان تۇراتىن تۇجىرىم بولدى. اتاپ ايتقاندا, زاڭنىڭ كووپەراتيۆتەر قۇرۋ تۋرالى بولىمىندە كووپەراتيۆتەر جانە ولاردىڭ وداعى كووپەراتيۆتىك بانك ۇيىمداستىرا الادى دەگەن تۇجىرىم بولدى. اقيقاتىن ايتساق, زاڭداعى وسى ءبىر ەلەۋسىز تۇجىرىم ءىس جۇزىندە نارىقتىق بانك قىزمەتى جۇيەسىنىڭ باستالۋىنىڭ ىرگەتاسى بولدى.
– بۇل ەلەۋسىز جولداردىڭ بولاشاعىنا العاش رەت باسا نازار اۋدارعاندار كىمدەر ەدى؟
– زاڭداعى وسى تۇجىرىمنىڭ تۇڭعيىعىن العاش تۇسىنگەن باقىت بايسەيىتوۆ ەدى. ول وسى يدەيانى جۇزەگە اسىرۋعا بار بولمىسىمەن دەن قويىپ, كووپەراتيۆتىك بانك قۇرۋ قاجەتتىگى جونىندە ءبىزدىڭ بارلىعىمىزعا جان-جاقتى تۇسىنىك بەرەتىن. ءىس جۇزىندە بۇل مە
