الەمنىڭ 17 مىڭ ۋنيۆەرسيتەتتەرىنىڭ اراسىنان ۇزدىك ۋنيۆەرسيتەتتەردى انىقتايتىن QS World University Rankings اگەنتتىگىنىڭ 2013/2014 جىلعى رەيتينگىندە قازاقستاندىق جوعارى وقۋ ورىندارىنىڭ كوشباسشىسى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى 66 ساتىعا كوتەرىلىپ 303-ورىندى يەلەندى. بۇل جوعارى وقۋ ورنى بايقاۋعا 2009 جىلدان باستاپ قاتىسىپ كەلەدى. سودان بەرى ۋنيۆەرسيتەت ەكى جىل قاتارىنان الەمنىڭ ەڭ ۇزدىك جوعارى وقۋ ورىندارىنىڭ اراسىنان كورىنۋدە.
الەمنىڭ 17 مىڭ ۋنيۆەرسيتەتتەرىنىڭ اراسىنان ۇزدىك ۋنيۆەرسيتەتتەردى انىقتايتىن QS World University Rankings اگەنتتىگىنىڭ 2013/2014 جىلعى رەيتينگىندە قازاقستاندىق جوعارى وقۋ ورىندارىنىڭ كوشباسشىسى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى 66 ساتىعا كوتەرىلىپ 303-ورىندى يەلەندى. بۇل جوعارى وقۋ ورنى بايقاۋعا 2009 جىلدان باستاپ قاتىسىپ كەلەدى. سودان بەرى ۋنيۆەرسيتەت ەكى جىل قاتارىنان الەمنىڭ ەڭ ۇزدىك جوعارى وقۋ ورىندارىنىڭ اراسىنان كورىنۋدە.
وسى QS World University Rankings اگەنتتىگى ۋنيۆەرسيتەتتەردىڭ رەيتينگتەرىن انىقتاۋ بارىسىندا جۇمىس بەرۋشىلەردىڭ پىكىرلەرى, قىزمەتكەرلەر مەن ءبىلىم الۋشىلاردىڭ عىلىمي ەڭبەكتەرىنە سىلتەمە جاساۋ كورسەتكىشتەرى, ۋنيۆەرسيتەتتە جۇرگىزىلىپ جاتقان عىلىمي-زەرتتەۋ جۇمىستارىنىڭ جالپى دەڭگەيى ەسكەرىلەدى. سونىمەن قاتار, پروفەسسور-وقىتۋشىلار قۇرامىنىڭ ستۋدەنتتەر سانىنا قاتىناسى دەڭگەيى, باسقا ەلدەردەن كەلگەن وقىتۋشىلار مەن ستۋدەنتتەر ۇلەسى دە باعالانادى.
قازاقستاننىڭ جەتەكشى جوعارى وقۋ ورىندارىنىڭ ءبىرى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى ءبىلىم بەرۋ ساپاسىن قامتاماسىز ەتۋ ءجونىندەگى تاۋەلسىز قازاقستاندىق اگەنتتىگىنىڭ (IQAA-نكاوكو) ۇلتتىق رەيتينگىنە سايكەس 1-ورىندى ەكى جىل قاتارىنان يەلەندى. عىلىمي-زەرتتەۋ ينستيتۋتتارىن, عىلىمي ورتالىقتار مەن زەرتحانالاردى, بىلىكتىلىكتى جەتىلدىرۋ ينستيتۋتتارى مەن ءتۇرلى مەملەكەتتەردىڭ مادەني ءبىلىم بەرۋ ورتالىقتارىن قامتىعان وقۋ ورنى پرەزيدەنتتىڭ «التىن ساپا» سىيلىعىن «قىزمەت كورسەتەتىن ۇزدىك كاسىپورىن» اتالىمى بويىنشا العان بولاتىن.
قازىر ۋنيۆەرسيتەت 2020 جىلعا دەيىنگى دامۋ ستراتەگياسىن ازىرلەۋ بارىسىندا ءوز مىندەتىن انىقتادى. ەلدىڭ يندۋستريالىق-يننوۆاتسيالىق دامۋىنا ۇلەس قوسساق دەگەن نيەتپەن «جاسىل تەحنولوگيا» نەمەسە بالامالى ەنەرگەتيكانى دامىتۋعا ارنالعان عىلىمي زەرتتەۋلەرگە كوڭىل بولۋدە. كۇننەن الاتىن ەلەكتر ەنەرگياسى گەنەراتسياسىن جۇزەگە اسىرۋ جوباسىن گەرمانيا كومپانيالارىمەن بىرلەسىپ جاساپ جاتىر.
«ەگەمەن-اقپارات».
