شىعىس قازاقستان وبلىسىنىڭ ورتالىعىندا بەلگىسىز سارعىش تاراقاندار پايدا بولدى. قالا دۇكەندەرىنەن كەزدەسكەن وسى جاندىكتەردىڭ كەيبىرىنىڭ ۇزىندىعى بەستەن جەتى سانتيمەترگە دەيىن جەتەدى. بۇل تۋرالى «قازاقستان» تەلەارناسى حابارلادى.
قازىر بۇل زيانكەستەر دۇكەندەردى ارالاپ قانا قويماي, كارىزدەر مەن دالىزدەردەن دە كورىنە باستاپتى. جەرگىلىكتى جەردەگى كوممۋنالدىق مەكەمە قىزمەتكەرلەرى ولاردى حلورمەن ۋلاعانىمەن, ەش ناتيجە بولماي تۇر. قايتا بەلگىسىز سارعىش تاراقانداردىڭ سانى جىلدام كوبەيىپ جاتقان كورىنەدى. سونداي-اق, دەنەلەرىنىڭ ۇلكەندىگىنە قاراماستان, تەز قوزعالا الادى ەكەن جانە قاناتتارى بار. العاشىندا جۇرتشىلىق بۇل جاندىكتەردى قالاداعى ەكوبيوورتالىقتان قاشىپ كەتكەن دەستى. ال اتالمىش مەكەمە ديرەكتورىنىڭ ورىنباسارى يۋري لۋكيانەتستىڭ مالىمدەۋىنشە, ورتالىقتا تەك ماداگاسكار تاراقانى عانا بار ەكەن. ونىڭ ءوزى وتە باياۋ قوزعالادى جانە بارلىق تالاپقا ساي بەكىتىلگەن اكۆاريۋمدا ءومىر سۇرۋدە.
ماماندار بۇل جەمىر جاندىكتەردىڭ وتانى - وڭتۇستىك-شىعىس ازيا ەكەندىگىن ايتىپ وتىر. ولار بۋىلىپ-تۇيىلگەن تاۋارلارمەن بىرگە كەلۋى مۇمكىن. ساعات ساناپ كوبەيىپ كەلە جاتقان تىنىمسىز ءىرى تاراقانداردى 40 گرادۋستان اساتىن التايدىڭ ايازى جويماسا, ازىرگە ەڭبەككەرلەردىڭ جۇمىسىنان ناتيجە بولماي تۇر.
دانيار تۇيمەباي.
