رۋحانيات • 23 ءساۋىر، 2020

«قورقىت» ءانسامبلى «بيتلز» توبىنىڭ «Yesterday» ءانىن وزگەشە شىرقادى

177 رەت كورسەتىلدى

نۇر-سۇلتان قالاسى اكىمدىگى مەملەكەتتىك اكادەميالىق فيلارمونياسىنىڭ «قورقىت» ەتنو-فولكلورلىق ءانسامبلى كارانتين كەزىندە اتى اڭىزعا اينالعان «بيتلز» توبىنىڭ تانىمال «Yesterday» انىنە يمپروۆيزاتسيا جاسادى.

انسامبل قۇرامىنداعى ارتىستەر قوبىز، قىل قوبىز، نارقوبىز، دومبىرا، سىرناي، ءمۇيىز سىرناي، شاڭقوبىز، جەتىگەن، شەرتەر، داۋىلپاز، ساز سىرناي، باس دومبىرا، سىبىزعى، سۋ اعاش، توقىلداق جانە تاعى باسقا قازاق حالىق اسپاپتارىندا وينايدى. ۇجىمنىڭ كوركەمدىك جەتەكشىسى، مادەنيەت قايراتكەرى شولپان قورعانبەك: «بۇل كاۆەر قازاقتىڭ ءداستۇرلى اسپاپتارىنىڭ پوپ-ارت ونەرىمەن ۇيلەسىمدىلىگىندە بىرەگەي بولادى» دەپ اتاپ ءوتتى.

شولپان قورعانبەكتىڭ ايتۋىنشا، «Yesterday» ءانى قازاقستاندىقتاردىڭ سۇيىكتى ءانى جانە ونى وسىنداي ەرەكشە ورىنداۋدا تىڭداۋ وتە قىزىقتى بولادى. ۇجىم جەتەكشىسى كوركەمدىك مىندەتتەردەن باسقا، تۇسكەن قاراجات دەنساۋلىق ساقتاۋ جۇيەسىنە – پاندەميامەن تىكەلەي كۇرەسەتىن ادامدارعا كومەككە جۇمسالاتىنىن جانە ايگىلى بريتان مۋزىكانتى پول ماككارتنيدىڭ اۋقىمدى قايىرىمدىلىق اكتسيالارىن قولدايتىنىن اتاپ ءوتتى:

– ءبىز دە ورتاق ىسكە ءوز ۇلەسىمىزدى قوسامىز. مۋزىكا وسى ءبىر قيىن كەزەڭدە ءبارىمىزدى بىرىكتىرەدى جانە بىزگە ءۇمىت بەرەدى، – دەپ ءبولىستى شولپان قورعانبەك.

ەسكە سالا كەتەيىك، كوكتەمدە «قورقىت» ءانسامبلى 75 شىعارمانى ءۇزىلىسسىز ورىنداپ، قازاقستاننىڭ گيننەسس رەكوردتار كىتابىنا ەنگەن بولاتىن.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار