نۇر-سۇلتان قالاسىندا جاڭا چەللەندج باستالدى. وعان ەرەسەكتەر مەن بالالار قاتىسادى. قاتىسۋشىلار ءبىراز جىل بۇرىن تۇسىرىلگەن فوتوسۋرەتتى قايتالاپ, ۆيدەوعا اينالدىرۋى كەرەك. ياعني, ولار مۇراعاتتان ءبىر فوتوسۋرەت تاۋىپ, ءدال سونداي لوكاتسيادا قايتا ءتۇسىرۋى قاجەت.
«قازىر كوپ ادام كارانتين كەزىندە كوپشىلىكتى بىرىكتىرۋگە ارنالعان ءتۇرلى چەللەندج, فلەشموبتار ۇيىمداستىرۋدا. ءبىز وتباسى تاتۋلىعىن ارتتىرىپ, ولاردىڭ قارىم-قاتىناسىن نىعايتا ءتۇسۋدى ماقسات ەتتىك. قازىر كوپ ەلدە كارانتين سالدارىنان وتباسىلىق جانجالدار مەن تۇرمىستىق زورلىق-زومبىلىقتار جيىلەپ كەتتى. ءبىز وتباسى قۇندىلىقتارىنىڭ قانشالىقتى ماڭىزدى ەكەنىن كورسەتكىمىز كەلەدى. بۇل كريتەريلەر جەڭىمپازدى انىقتاۋ كەزىندە ماڭىزدى بولادى», – دەيدى چەللەندج ۇيىمداستىرۋشىسى دانيار ەسەن.
بايقاۋعا ينستاگرام جەلىسىندەگى @daniyar_yesen پاراقشاسىندا كورسەتىلگەن #مىۆمەستە #ۆمەستەسسەمەي #جانۇيا حەشتەگتەرى ارقىلى قاتىسۋعا بولادى. قاتىسۋشىلار ۆيدەونى وڭدەپ, ءوز پاراقشاسىندا جاريالاۋى كەرەك (جارىس كەزىندە پاراقشا بەلسەندى ءارى اشىق بولۋى قاجەت). بايقاۋ قورىتىندىسى 15 مامىر كۇنى جاريالانادى. باس جۇلدەگە – وتباسىلىق كاسىبي فوتوسەسسيا.
سونداي-اق ەلوردالىق بەلسەندى تۇرعىندار توتەنشە جاعداي مەن كارانتين رەجيمىنە بايلانىستى قالا تۇرعىندارى اراسىندا تاماق دايىنداۋ, قولونەر, پسيحولوگيا, سپورت جانە ءبىلىم بەرۋ سالالارى بويىنشا كوپتەگەن ونلاين-كۋرستار ۇيىمداستىرادى.
