ولاردىڭ ءبىرى نۇر-سۇلتان قالاسىنان پەتروپاۆل-قىزىلوردا باعىتىنداعى پوەزبەن كەلگەن ازاماتتىڭ تۋىسى بولسا, ەندى ءبىرى 4 ءساۋىر كۇنى قايتىس بولعان جەتىسايلىق تۇرعىننىڭ جاقىن تۋىسى.
سوڭعى مالىمەتتەرگە ساي, تۇركىستان وبلىسىندا ىندەتتەن جازىلعاندار سانى 20-عا جەتتى.
وكىنىشكە قاراي, 23 ساۋىردەگى مالىمەتكە سايكەس, تۇركىستان وبلىسىندا COVID-19 ينفەكتسياسىن جۇقتىرعاندار سانى تاعى 7 ازاماتپەن تولىعىپ, وڭىردە تىركەلگەندەر سانى 74-كە جەتتى.
ىندەت انىقتالعان جەتەۋدىڭ ءبىرى سوزاق اۋدانى, تاۋكەنت اۋىلىنىڭ 1980 جىلى تۋعان تۇرعىنى. ول رەسەي فەدەراتسياسىنان 15 ساۋىردە قاراعاندى قالاسىنا كەلىپ, ارى قاراي الماتى قالاسىنا بارعان. 21 ءساۋىر كۇنى الماتىدان سوزاق اۋدانىنا كەلگەن. سونداي-اق, سوزاق اۋدانى, سوزاق اۋىلىنىڭ 1992 جىلعى تۇرعىنى مەن وسى اۋداننىڭ قۇمكەنت اۋىلىندا 2020 جىلى تۋعان ءسابيدىڭ COVID-19 ىندەتىنە شالدىققانى بەلگىلى بولدى.
بۇدان بولەك, تۇركىستان قالاسىنىڭ 1983 جىلى, 1990 جىلى, 1992 جىلى, 1997 جىلى تۋعان تۇرعىندارىنان دا ۆيرۋس انىقتالدى. اتالعان ازاماتتار كوروناۆيرۋس ينفەكتسياسىن جۇقتىرعان ناۋقاستارمەن جاقىن بايلانىستا بولعان. ۆيرۋس جۇقتىرعاندار قازىرگى ۋاقىتتا وقشاۋلانىپ, ءتيىستى ەم قابىلداۋدا.
