جاقىندا تەكەلى قالاسىنىڭ اكىمدىگىنەن ەرىكتىلەر كەلىپ, ۇيىمىزگە ازىق-ت ۇلىك, باسقا دا تۇتىنۋعا قاجەتتى زاتتار, مەديتسينالىق كەرەك-جاراق جەتكىزىپ بەردى. شىن قۋاندىق. ەلەپ, ەسكەرىپ قولۇشىن بەرگەن ازاماتتارعا العىسىمىز شەكسىز. وتباسىمىزدا 5 بالا ءوسىرىپ وتىرمىز. ءوزىم اتاۋلى الەۋمەتتىك كومەك الامىن. قوسىمشا كاسىبىمىزدىڭ توقتاۋىنا بايلانىستى كىرىس كوزى دە قىسقارعان ەدى. مەملەكەت تاعى دا قيىندىقتا قالدىرماي ارنايى تاعايىنداعان 42 500 تەڭگە وتەماقى بەردى.
بارىنەن بۇرىن اكىمدىك بەرگەن «بالالارعا تارتۋ» اتتى الەۋمەتتىك پاكەت وتباسىنداعى كىشكەنتايلار ءۇشىن لايىقتى سىي بولدى. مۇنى ۇيىمداستىرعان دەمەۋشىلەرگە, كوپ بالالى انالارعا بارلىق جاعىنان كومەك بەرىپ, قارجىلاي دا, ازىق-ت ۇلىك تۇرىمەن دە قولداپ وتىرعان مەملەكەت تىزگىنىن ۇستاعان جاندارعا انالىق العىسىمدى ارنايمىن. قيىن كۇندەر ارتتا قالىپ, ەلىمىز بەرەكەلى دە بەيبىت ومىرگە قادام باسسىن.
اسەل ەردەنبەكوۆا,
كوپ بالالى انا
الماتى وبلىسى,
تەكەلى قالاسى
